ڈیرہ اسماعیل خان میں پولیس نے دہشتگردوں کا حملہ ناکام بنادیا

ڈیرہ اسماعیل خان میں پولیس نے دہشت گردوں کے حملے کو ناکام بنادیا۔

باغی ٹی وی : پولیس کا کہنا ہے کہ تھانہ چودھوان کے گرد تھرمل کیمروں میں نظر آنے والے دہشتگردوں کے خلاف فوری طور پر کارروائی کی گئی، پولیس کی جانب سے حق خود حفاظت کے تحت فائرنگ کی گئی، دہشت گردوں کے خلاف مساجد سے اعلانات کے بعد علاقے کے لوگ بھی نکل آئے،آدھے گھنٹے تک پولیس کی فائرنگ کے بعد حملہ آوار فرار ہوگئے۔

پولیس نے کہا کہ نامعلوم افراد پوزیشن مضبوط کر رہے تھے جہاں سے تھانہ پر حملہ کیا جا سکے، تمام نفری محفوظ ہے ، علاقائی لوگ بھی مدد کے لیے موجود ہیں، مقامی لوگوں کی جانب سے پولیس کے ساتھ مل کر دہشتگردوں کے خلاف لشکر کشی کا اعلان کیا جس پر دہشتگرد فرار ہونے پر مجبور ہو گئے۔