ڈیرہ اسماعیل خان خان: دہشت گردوں کی فائرنگ سے پولیس کانسٹیبل شہید

ڈیرہ اسماعیل خان خان،باغی ٹی وی (نامہ نگاراحمدنوازمغل) تحصیل کلاچی میں مڈی گیٹ پر دہشت گردوں کی فائرنگ سے پولیس کانسٹیبل مبارک شاہ شہید ہوگیا،واقعہ کی اطلاع پر قانون نافذ کرنیوالے اداروں نے علاقہ کو گھیرے میں لیکر دہشتگردوں کی تلاش کیلئے سرچ آپریشن شروع کردیا،

شہید پولیس کانسٹیبل کی نماز جنازہ اعجاز شہید پولیس لائن میں ادا کردی گئی ، نماز جنازہ میں ڈی پی او عبدالرئوف بابر قیصرانی ، ڈپٹی کمشنر منصور ارشد، ایڈیشنل ایس پی افتخار شاہ سمیت دیگر حکام کی شرکت، شہید سرکاری اعزاز کیساتھ سپردخاک ۔دہشت گردوں کی فائرنگ سے وانڈا خالق شاہ نزد مرادن پل پہاڑ پور کا رہائشی پولیس کانسٹیبل مبارک شاہ شہید ہوگیا،

واقعہ کی اطلاع پر قانون نافذ کرنیوالے اداروں نے علاقہ کو گھیرے میں لیکر دہشتگردوں کی تلاش کیلئے سرچ آپریشن شروع کردیا،شہید پولیس کانسٹیبل کی نماز جنازہ اعجاز شہید پولیس لائن میں ادا کردی گئی ، نماز جنازہ میں ڈی پی او عبدالرئوف بابر قیصرانی ، ڈپٹی کمشنر منصور ارشد، ایڈیشنل ایس پی افتخار شاہ سمیت دیگر حکام نے شرکت کی بعد میں شہید کو سرکاری اعزاز کیساتھ سپردخاک کردیاگیا،

شہید کانسٹیبل نے اپنے سوگواران میں بیوہ ،1بیٹا اور 3بیٹیاں چھوڑی ہیں ،پولیس کے چاک وچوبند دستے نے شہید کانسٹیبل مبارک شاہ کو سلامی دی جبکہ ڈپٹی کمشنر ڈیرہ،ڈی پی او ڈیرہ و دیگر افسران نے شہید کانسٹیبل کی جسد خاکی پر پھولوں کی چادریں چڑھائیں، اس موقع پر ڈسٹرکٹ پولیس آفیسر ڈیرہ عبدالرف بابر قیصرانی نے شہید کانسٹیبل مبارک شاہ کو خراج تحسین پیش کرتے ہوئے کہاکہ شہدا کی قربانیوں سے ہی امن کی فضا قائم ہوئی ۔ دہشت گردی کے مذموم عزائم کو ناکام بنائیں گے ۔ امن دشمنوں کو کسی صورت نہیں چھوڑیں گے۔