برطانوی پارلیمنٹ میں کشمیر کے حوالے سے قائم ” کل جماعتی پارلیمانی گروپ” کی طرف سے کشمیر پر بحث کرونا کی نظر ہو گئی

لندن:برطانوی پارلیمنٹ میں کشمیر کے حوالے سے قائم ” کل جماعتی پارلیمانی گروپ” کی طرف سے کشمیر پر بحث کرونا کی نظر ہو گئی،اطلاعات کے مطابق برطانوی پارلیمنٹ میں کشمیر کے حوالے سے قائم ” کل جماعتی پارلیمانی گروپ” کی طرف سے کشمیر پر بحث ملتوی کر دی گئی ہے۔

پارلیمنٹ نے گروپ کی چیئرپرسن ڈیبی ابراہیم کی طرف سے پیش کی گئی تحریک منظور کرتے ہوئے اس پر بحث کیلئے 26مارچ کی تاریخ مقرر کی تھی ۔

پارلیمنٹری کشمیر گروپ کی چیئرپرسن ایم پی ڈیبی ابراھم اور جموں و کشمیر بین الاقوامی تحریک حق خود ارادیت کے سربراہ راجہ نجابت حسین نے ساوتھ ایشین وائر کو بتایا کہ برطانوی پارلیمنٹ کورونا وائرس کے باعث 21اپریل تک بند کر دی گئی ہے جس وجہ سے یہ بحث بھی ملتوی ہو گئی ہے۔

برطانوی پارلیمنٹ میں اس سے قبل بھی تین مرتبہ کشمیر کے حوالے سے بحث ہو چکی ہے جن میں کشمیر میں انسانی حقوق کی خلاف ورزیاں بند کرنے اور کشمیریوں کو حق خود ارادیت دینے پر زور دیا گیا ۔