بے نامی جائیداد ، ایک ارب 24 کروڑ کی جائیداد پکڑی گئی

فیصل آباد : بے نامی جائیداد کا پہلا کیس منظرعام پر آ گیا ، اطلاعات کے مطابق نواحی علاقے جھمرہ میں ایک ارب 24 کروڑ روپے مالیت کی ایک جائیداد پکڑ لی اور کارروائی کیلئے تفصیلات ایف بی آر کو ارسال کر دیں۔

فیصل آباد کی ضلعی انتظامیہ کے مطابق 165 ر ب میں ایک مل مالک کی 714 کینال 18 مرلے زرعی اراضی 3 افراد سلیم بھٹی، یاسین خان اور محمد اکبر کے نام تھی جو 1992 میں خریدی گئی اور معاملہ عدالت میں پہنچا تو بھید کھل گیا۔

ذرائع کےمطابق ضلعی حکومت نےایف بی آر کو مزید تفتیش اور تحقیق کےلیے خط لکھ دیا ہے اور ضلعی انتظامیہ کی حمایت کا بھر پور یقین بھی دلایا ہے، یا د ہے کہ ایف بی آر نے بے نامی جائیدادوں کے خلاف آپریشن شروع کردیا ہے اور فیصل آباد میں پہلی کامیابی ملی ہے

۔