لاہور:پنجاب ہائی وے کی شاہرات پر سفر کرنے والوں کے لیے وقتی خوشخبری ،ایڈیشنل آئی جی پنجاب منظور سرورچوہدری نے چالان نہ کرنے کا حکم صادر کرتے ہوئے کہا ہے کہ پی ایچ پی کے زیر عمل شاہرات پر چلاننگ تا حکم ثانی بند رکھی جائے تاہم اوور لوڈنگ،تیز رفتاری، غفلت اور لاپرواہی سے ڈرائیونگ کرنے پر مقدمات ثبوت کی بنا پر درج کئے جائیں اور اوور لوڈ بسوں اور ٹرکوں کے خلاف خصوصی کارروائی کی جائے۔
گلبرگ آفس میں ایک اعلیٰ سطحی اجلاس کی صدارت کر رہے تھے جس میں ڈی آئی جی پٹرولنگ مقصودالحسن سمیت تمام ریجنل ایس پی صاحبان اور ہیڈکوارٹرز کے ڈی ایس پی صاحبان نے شرکت کی۔ اس موقع پر ایدیشنل آئی جی ہائی وے پٹرول نے ریٹائرہونے والے ڈی ایس پی فیصل آباد عبدالمجید ورک کو شیلڈ دی اور ڈی آئی جی پٹرولنگ نے سوینیئر دیا۔
اس موقع پر ایڈیشنل آئی جی منظور سرور چوہدری نے شرکاء سے خطاب کرتے ہوئے کہا کہ تین سالہ عرصہ والے تمام ملازمین کو دفتر سے ٹراسفر کیاجائے اور ٹرانسفر ہونے والے تمام ملازمین کو دفتر ہذا سے فوری ریلیو کیا جائے۔ میٹنگ کے دوران انہوں نے اسلحہ کی تصدیق کو سراہا۔انہوں نے ہدایت کی کہ پٹرول کے غبن کو ختم کیا جائے اور روڈکرپشن ہر گز براداشت نہ کی جائے گی
ایڈیشنل آئی جی پٹرولنگ نے ہدایت کی کہ ناکہ بندی کے دوران تمام ضلعی ڈی ایس پی صاحبان خو دموقع پر موجود ہوں گے۔انہوں نے کہا کہ تمام ریجنل ایس پی صاحبان ٹرانسپوٹروں سے میٹنگ کریں اور انہیں اور لوڈنگ اور تیز رفتاری کے بارے آگاہی دیں۔خطاب کے دوران ایڈیشنل آئی جی پٹرولنگ نے شاہرات پردوران پٹرولنگ موٹرسائیکلیں بندنہ کرنے کی ہدایت کی۔
