بلوچستان کے نصیرآباد ڈویژن میں مہنگائی کے باعث دو نوجوانوں نے خود کشی کی کوشش کی ہے جس میں ایک نوجوان جاں بحق ہوگیا ہے جبکہ دوسرا شدید زخمی ہوا ہے، ڈیرہ مراد جمالی نصیرآباد ڈویژن میں بھی ملک بھر کی طرح بے روزگاری اور مہنگائی کے باعث نوجوانوں میں خودکشی کے واقعات بڑھنے لگے ہیں.
جبکہ خودکشی کا پہلا واقع اس سے قبل جھل مگسی کے علاقے باریجا میں پیش آیا تھا جس میں 27 سالہ نوجوان علی دوست مگسی نے مہنگائی اور بے روزگاری کے باعث اپنے سر میں گولی مار کر خودکشی کرلی تھی جبکہ گولی لگنے سے نوجوان موقع پر ہی جاں بحق ہوگیا تھا.
علاوہ ازیں ڈیرہ مراد جمالی کے گوٹھ اسد اللّٰہ کھیازئی کے رہائشی 22 سالہ نوجوان نورالدین کھیازئی نے مہنگائی کے باعث خود کو گولی مار کر خودکشی کی کوشش کی ہے، گولی لگنے سے نوجوان شدید زخمی ہوا اور اسے سول اسپتال ڈیرہ مراد جمالی منتقل کیا گیا۔
