سود کا خاتمہ حکم الہٰی کے ساتھ آئین پاکستان کا اہم تقاضا بھی، ڈاکٹر قبلہ ایاز

سود کا خاتمہ حکم الہٰی کے ساتھ آئین پاکستان کا اہم تقاضا بھی، ڈاکٹر قبلہ ایاز

باغی ٹی وی کی رپورٹ کے مطابق چیئرمین اسلامی نظریاتی کونسل ڈاکٹر قبلہ ایاز نے وفاقی وزارت خزانہ، گورنر سٹیٹ بینک اور دیگر تمام بینکوں کے صدر صاحبان کے نام اپنے مراسلے میں بینكوں سے درخواست كی ہے كہ وہ ملکی معیشت اور بنکوں سے سود کے خاتمے کے لیے فیڈرل شریعت کورٹ کے فیصلے مورخہ 28 اپریل 2022ء كے خلاف اپیل میں نہ جائیں بلكہ پانچ سال كی مدت میں سود کے خاتمے کے عدالتی فیصلے كو سامنے ركھتے ہوئے اس پر بھر پور طریقے سے عمل درآمد كیلئے اقدامات كریں، اسلامی نظر یاتی كونسل اس علمی سعی میں مكمل مشاورت اور معاونت فراہم كرنے كیلئے تیار ہے۔

ڈاکٹر قبلہ ایاز نے کہا کہ سود كا خاتمہ نہ صرف حكم الہٰی ہے بلكہ اسلا میان پاكستان كا ایك دیر ینہ مطا لبہ اور خواب بھی ہے، نیز آئین پاكستان كا اہم تقاضا بھی ہے۔انہوں نے کہا کہ اسلامی نظریاتی کونسل کو اُمید واثق ہے کہ وفاقی شرعی عدالت کے فیصلے پر اس کی روح کے مطابق عمل درآمد کرنے اور کرانے کے سلسلے میں حکومت اور دیگر تمام متعلقہ ادارے اپنا مثبت کر دار ادا کریں گے ۔