دوحہ میں بات چیت کا آپشن اب ختم ہوچکا ہے سہیل شاہین
افغان طالبان کے ترجمان سہیل شاہین نے اشرف غنی کے فرار کے بعد قطر میں مذاکرات کے آپشن کو خارج از امکان قرار دے دیا۔
باغی ٹی وی : تفصیلات کے مطابق نجی ٹی وی دنیا نیوز کے پروگرام نقطہ نظر میں گفتگو کرتے ہوئے سہیل شاہین نے کہا کہ اشرف غنی عوام کو بتائے بغیر ملک چھوڑ گئے ان کے اس طرح جانے کی توقع نہیں تھی۔
انہوں نے کہا کہ ملا عبدالغنی برادر قطر میں موجود ہیں لیکن اب دوحہ میں بات چیت کا آپشن اب ختم ہوچکا ہے سابق نائب صدر امراللہ صالح اور دیگر کو افغان عوام نے مسترد کردیا ہے، امراللہ صالح پنج شیر جائیں یا کہیں اور، ان کی اب کوئی حیثیت نہیں ہے۔
سہیل شاہین کا کہنا تھا کہ طالبان اسلامی حکومت تشکیل دیں گے، وہ بین الاقوامی برادری سے اچھے تعلقات چاہتے ہیں، افغان سرزمین کسی کے خلاف استعمال کرنے کی اجازت نہیں دیں گے۔
انہوں نے واضح کیا کہ کابل کی صورتحال کنٹرول میں ہے، چوری اور دیگر جرائم پر متعدد افراد کو حراست میں لیا گیا، سابق حکام اور اہلکاروں کے گھروں میں گھسنے کی کسی کو اجازت نہیں ہے، کسی کو دھمکی دینے یا گاڑی ہتھیانےکی اجازت نہیں دیں گے۔
سہیل شاہین نے کہا کہ طالبان کی نظر میں افغانستان کے سب شہری برابر ہیں، اقلیتوں کے حقوق کے تحفظ کیلئے پرعزم ہیں۔
We assure all diplomats, embassies, consulates, and charitable workers, whether they are international or national that not only no problem will be created for them on the part of IEA but a secure environment will be provided to them, Inshallah.
— Suhail Shaheen. محمد سهیل شاهین (@suhailshaheen1) August 16, 2021
واضح رہے کہ آج بار پھر ایک بار سہیل شاہین نے یقین دہانی کرائی کہ ہم تمام سفارت کاروں ، سفارتخانوں ، قونصل خانوں اور خیراتی کارکنوں کو یقین دلاتے ہیں ، چاہے وہ بین الاقوامی ہوں یا قومی کہ آئی ای اے کی جانب سے نہ صرف ان کے لیے کوئی مسئلہ پیدا ہوگا بلکہ ان کو ایک محفوظ ماحول فراہم کیا جائے گا ، انشاء اللہ۔
The Islamic Emirate has ordered its Mujahideen and once again instructs them that no one is allowed to enter anyone's house without permission. Life, property and honor of none shall be harmed but must be protected by the Mujahedeen.
— Suhail Shaheen. محمد سهیل شاهین (@suhailshaheen1) August 16, 2021
ان کا کہنا تھا کہ امارت اسلامیہ نے اپنے مجاہدین کو حکم دیا ہے اور ایک بار پھر انہیں ہدایت دی ہے کہ کسی کو بھی اجازت کے بغیر کسی کے گھر میں داخل ہونے کی اجازت نہیں ہے۔ کسی کی جان ، مال اور عزت کو کوئی نقصان نہیں پہنچے گا لیکن مجاہدین کے ذریعے اس کی حفاظت کی جانی چاہیے۔
