ڈالر کی قدر کو ریورس گیئر لگ گیا

ڈالر کی قدر کو ریورس گیئر لگ گیا

باغی ٹی وی :ملک بھر میں ایک روز قیمت بڑھنے کے بعد ڈالر کی قدر کو ریورس گیئر لگ گیا، امریکی ڈالر 29 پیسے سستا ہو گیا۔

رواں ہفتے کے چوتھے کاروباری روز کے دوران سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں روپے کے مقابلے میں امریکی ڈالر 29 پیسے سستا ہو گیا، جس کے بعد امریکی کرنسی کی نئی قیمت 160 روپے 46 پیسے سے کم ہو کر 160 روپے 160 روپے 17 پیسے ہو گئی ہے

واضح ‌رہےکہ اپریل 2019 میں ڈالر نے بڑی چھلانگ لگائی تھی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔

اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی