انٹر بینک مارکیٹ میں ڈالرکی اونچی اڑان،195 روپے سے بھی تجاوز کرگیا۔

ڈالر کی مسلسل اونچی اڑان سےعوام پریشان ہوگئے ہیں . انٹر بینک مارکیٹ میں ڈالر مزید مہنگا ہوکر 195 روپے سے بھی تجاوز کرگیا۔

منگل کے روز کاروبار کے دوران پہلے ہاف میں ڈالر مزید ایک روپیہ 82 پیسے مہنگا ہوا اور انٹر بینک مارکیٹ میں پہلی بار ڈالر 196 روپے 80 پیسے پر جا پہنچا ہے۔ اسی طرح اوپن مارکیٹ میں بھی ڈالر بلند ترین سطح پر پہنچ گیا۔ اوپن مارکیٹ میں ڈالر 2 روپے مہنگا ہوگیا۔ جس کے بعد اوپن مارکیٹ میں ڈالر 198 روپے ہو گئی۔

باغی ٹی وی کی رپورٹ کے مطابق کاروباری ہفتے کے دوسرے روز ڈالر کی قیمت میں مزید ایک روپیہ 32 پیسے کا اضافہ ہو گیا اور انٹر بینک میں پہلی بار ڈالر 196پیسے پر جاپہنچا۔

گزشتہ روز انٹر مارکیٹ میں ڈالر کی قدر اتار چڑھاؤ کے بعد 1.66 روپے کے اضافے سے 194.18 روپے کی بلند ترین سطح پر بند ہوئی تھی جبکہ اوپن مارکیٹ میں ڈالر کی قدر2 روپے کے اضافے لے ساتھ 196 روپے کی سطح پر بند ہوئی۔

ماہرین کا کہنا تھا کہ ملکی زرمبادلہ کے ذخائر بھی 22 ماہ کی کم ترین سطح پر آگئے ہیں، زرمبادلہ کے ذخائر میں تسلسل سے کمی درآمدی بل میں ریکارڈ اضافے جیسے عوامل کے باعث ڈالر کے طلب اور رسد کا توازن بگڑا۔ جو ڈالر کی قدر میں اضافے کا باعث بنا۔
منگل کے روز کاروبار کے دوران پہلے ہاف میں ڈالر مزید ایک روپے 32 پیسے مہنگا ہوا اور انٹربینک میں پہلی بار ڈالر 195 روپے 50 پیسے پر جا پہنچا ہے۔

کاروبار کے دوران ڈالر کی قدر مزید بڑھی اور اس کی قیمت میں ایک روپے 82 پیسے اضافہ ہوا جس سے ڈالر 196 روپے پر پہنچ گیا۔تاہم کاروبار کے اختتام تک ڈالر کی قدر میں مجموعی طور پر ایک روپے 56 پیسے اضافہ ہوا اور ڈالر 195 روپے 74 پیسے پر بند ہوا۔