انٹر بینک میں روپےکے مقابلے میں ڈالرکی قدر میں کمی کا سلسلہ جاری ہے جبکہ اسٹیٹ بینک آف پاکستان کے مطابق آج انٹربینک تبادلہ میں کاروبار کے اختتام پر ڈالرکا بھاؤ 279 روپے 51 پیسے ہے، انٹربینک میں آج ڈالرکا بھاؤ ایک روپیہ کم ہوا ہے جب کہ رواں کاروباری ہفتے کے تین دنوں میں ڈالر 3 روپے 18 پیسے کم ہوا ہے۔ دوسری جانب اوپن مارکیٹ میں ڈالرکا بھاؤ ایک روپیہ کم ہوکر 279 روپے ہے۔
Interbank closing #ExchangeRate for today https://t.co/bybbmTtugE#SBPExchangeRate pic.twitter.com/Exbci54vfY
— SBP (@StateBank_Pak) October 11, 2023
دوسری جانب پاکستان اسٹاک ایکسچینج میں آج کاروبار کا مسلسل آٹھواں مثبت دن رہا جبکہ پاکستان اسٹاک ایکسچینج کا بینچ مارک 100 انڈیکس 334 پوائنٹس اضافے سے 48 ہزار 474 پر بند ہوا ہے۔
100 انڈیکس گزشتہ آٹھ کاروباری دنوں میں 2241 پوائنٹس بڑھا ہے جبکہ شیئر بازار میں آج 39کروڑ 64 لاکھ شیئر کے سودے ہوئے جن کی مالیت 10 ارب 52 کروڑ روپے سے زائد رہی، مارکیٹ کیپٹلائزیشن 52 ارب روپے بڑھ کر 7 ہزار 141 ارب روپے ہے۔ جبکہ ادھر ملک میں سونےکی فی تولہ قیمت میں 5 ہزار 500 روپے اضافہ ہوا ہے۔
علاوہ ازیں آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونےکا بھاؤ 2 لاکھ 5 ہزار روپے ہے، 10 گرام سونےکا بھاؤ 4 ہزار 715 روپے اضافے سے ایک لاکھ 75 ہزار 754 روپے ہے اور آل پاکستان جیمز اینڈ جیولرز ایسوسی ایشن کے مطابق عالمی بازار میں سونے کا بھاؤ 16 ڈالر اضافے سے ایک ہزار 872 ڈالر فی اونس ہے۔