ڈالر مسلسل گراوٹکا شکار
باغی ٹی وی : مسلسل چار ماہ کے دوران ترسیلات زر کی پاکستان آمد کے باعث ملک بھر میں روپیہ تگڑا اور ڈالر گراوٹ کا شکار ہو رہا ہے، آج ایک مرتبہ پھر امریکی کرنسی 15 پیسے سستی ہو گئی۔
تفصیلات کے مطابق گزشتہ ایک ماہ سے روپے کے مقابلے میں امریکی ڈالر کی قدر میں مسلسل گراوٹ دیکھنے کو مل رہی ہے، گزشتہ چار ماہ کے دوران ترسیلات زر میں مسلسل اضافہ دیکھنے کو مل رہا ہے، وزیراعظم عمران خان بھی اعلان کر چکے ہیں ترسیلات زر ہر ماہ 2 ارب ڈالرز سے زائد موصول ہو رہی ہیں۔
سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں امریکی ڈالر 15 پیسے سستا ہونے کے بعد 162 روپے 13 پیسے کی سطح پر پہنچ گیا ہے۔
واضحرہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی
