ڈی جی خان- ڈولفن کانسٹیبل عدیل نے خود کو گولی مار کر خود کشی کر لی اطلاع ملتے ہی ڈی ایس پی سٹی ، ایس ایچ او تھانہ گداٸ اور انچارج کراٸم سین موقع پر پہنچ گۓ ہیں۔شواہد اکٹھے کر کے پوسٹمارٹم کرانے کے لۓ پولیس ہسپتال روانہ ہو گٸ ہے۔پولیس ترجمان کے مطابق پولیس تھانہ گداٸ قانون کے تقاضے پورے کرتے ہوۓ کارواٸ میں مصروف عمل ہے۔پولیس زرئع کے مطابق عدیل لاہور سمن آباد کا رہائشی تھا اور جبری طورپر لاہور سے ڈیرہ غازی خان ٹرانسفر کیا گیا تھا.غیر مصدقہ اطلاعات کے مطابق خودکشی کی وجہ تبادلہ کی ڈیپریشن تھی۔ریسکیو 1122ذرائع کا کہناہے کہ آج سہ پہر تین بج کر 22منٹ پر انہیں کال موصول ہوئی کہ شاہ سکندر روڈ المعروف چٹ روڈ پر ایک شخص نے خود کو گولی مارلی ہے۔
ریسکیو ٹیم وہاں پہنچی تو خود کو گولی مارنے والا شخص جاں بحق ہوچکا تھا ۔جاں بحق شخص کی شناخت عدیل احمد ولد عبدالرشید کے نام سے ہوئی جو ڈولفن فورس کا اہلکار بتایا گیا۔
ریسکیو ٹیم نے ہلاک ڈولفن فورس کے اہلکار کی لاش پوسٹ مارٹم کے لئے ڈی ایچ کیو ڈیرہ غازی خان منتقل کردی۔تاحال نوجوان کی خود کشی بابت کوئی بات سامنے نہیں آسکی کہ آخر کار فورس کے نوجوان نے خود کو گولی کیوں ماری اور کیوں اپنی جان لینے پر مجبور ہوا۔لاہور سے ڈولفن پولیس کے ترجمان نے کہا ہے کہ ا ہلکار عدیل عارضی طور پر ڈی جی خان میں فرائض سرانجام دے رہا تھاخودکشی کی وجوہات کا تعین کیا جا رہا ہے۔ ڈولفن پولیس ترجمان کے مطابق خودکشی کو تبادلہ کی وجہ سے ڈپریشن کا تاثر دینا حقائق کے منافی ہے۔عدیل ڈولفن اسکواڈ کے چھٹے بیچ کا تربیت یافتہ اہلکار تھا۔
