امریکی صدر ڈونلڈ ٹرمپ نے ہندوستان، چین سمیت برکس ممالک کو کھلم کھلا دھمکی دی ہے۔ ٹرمپ نے کہا کہ برکس ممالک کو یہ سمجھ لینا چاہیے کہ وہ امریکی ڈالر کو ریپلیس نہیں کر سکتے، اور اگر ایسا کرنے کی کوشش کی گئی تو امریکہ ان ممالک پر 100 فیصد ٹیرف عائد کر دے گا۔
ٹرمپ نے اپنے بیان میں کہا کہ اگر برکس اپنی نئی کرنسی متعارف کراتا ہے یا امریکی ڈالر کو چیلنج کرنے کی کوشش کرتا ہے تو ان ممالک کو بھاری قیمت چکانی پڑے گی۔ امریکہ خاموش تماشائی نہیں بنے گا اور ان ممالک پر منڈلاتے خطرے کا منہ توڑ جواب دے گا۔ٹرمپ نے سوشل میڈیا پلیٹ فارم "ٹروتھ سوشل” پر ایک پوسٹ میں لکھا کہ برکس ممالک امریکی ڈالر کے غلبے کو چیلنج کرنے کی کوشش کر رہے ہیں اور امریکہ اس خاموشی سے نہیں دیکھے گا۔ انہوں نے خبردار کیا کہ اگر برکس ممالک نئی کرنسی بناتے ہیں یا کسی دوسری کرنسی کو سپورٹ کرتے ہیں تو ان پر 100 فیصد ٹیرف عائد کیا جائے گا اور امریکی مارکیٹ کے دروازے ان کے لیے بند ہو جائیں گے۔
برکس ممالک میں برازیل، روس، چین، ہندوستان اور جنوبی افریقہ شامل ہیں۔ یہ گروپ عالمی سطح پر امریکی ڈالر پر انحصار کم کرنے کی کوشش کر رہا ہے اور اپنی کرنسی متعارف کرانے کے منصوبے پر کام کر رہا ہے۔ روس اور چین نے پہلے ہی ڈالر کی جگہ یوآن اور دیگر کرنسیوں میں تجارت شروع کر دی ہے۔ اب برکس ممالک کی کوشش ہے کہ وہ اپنی کرنسی متعارف کرا کر امریکی ڈالر کی عالمی حکمرانی کو چیلنج کریں۔اگر برکس اپنے کرنسی سسٹم کو متعارف کراتا ہے اور دنیا بھر میں اس کا استعمال بڑھتا ہے تو امریکی ڈالر کی عالمی طاقت کو شدید دھچکا پہنچ سکتا ہے۔ اس سے امریکی معیشت کے لیے مشکلات پیدا ہو سکتی ہیں کیونکہ ڈالر کی عالمی غلبہ امریکی طاقت کا ایک اہم ستون ہے۔
چین اور روس پہلے ہی امریکی ڈالر سے دور جانے کی حکمت عملی پر عمل کر رہے ہیں۔ ہندوستان اور برازیل بھی اپنی تجارت میں ڈالر کی بجائے مقامی کرنسیوں کو ترجیح دینے کے بارے میں سوچ رہے ہیں۔ تاہم، امریکہ کی طرف سے 100 فیصد ٹیرف عائد کرنے کی دھمکی کے بعد برکس ممالک کو اپنی کرنسی کے منصوبے کو دوبارہ غور سے دیکھنا پڑ سکتا ہے اور شاید انہیں ڈالر کے استعمال کو مزید مضبوطی سے اپنانا پڑے۔
امریکی صدر کی یہ دھمکیاں برکس کے ممالک کے لیے ایک نیا اقتصادی دباؤ بن سکتی ہیں، جس سے ان ممالک کے مستقبل کے مالی فیصلے متاثر ہو سکتے ہیں۔ اس تمام صورت حال میں برکس ممالک کی قیادت کے لیے بڑا چیلنج یہ ہو گا کہ وہ عالمی معاشی تعلقات میں امریکہ کے ساتھ متوازن رویہ اپنائیں اور اپنی کرنسی کو کامیابی سے متعارف کرانے کی راہ ہموار کریں۔
صدر مملکت کا نیشنل ایرو اسپیس سائنس اینڈ ٹیکنالوجی پارک کا دورہ
پاکستان کے نامور ادیبوں، شاعروں،کالم نگاروں کی یادگار تصویر وائرل
