وزیراعظم پاکستان کودھمکی آمیزخط پبلک نہ کریں:آپ ایک ذمہ دارشخص ہیں:اسلام آبادہائی کورٹ کا حکم

اسلام آباد:وزیراعظم پاکستان کودھمکی آمیزخط پبلک نہ کریں:یہ ان پرذمہ داری عائد ہوتی ہے:اسلام آبادہائی کورٹ کا حکم،اطلاعات کے مطابق اسلام آباد ہائیکورٹ نے وزیراعظم عمران خان کو خفیہ دستاویزات پبلک کرنے سے روک دیا۔

اسلام آباد ہائیکورٹ کے چیف جسٹس اطہرمن اللہ نے ایک شہری کی درخواست پر تحریری حکم نامہ جاری کیا۔ ہائیکورٹ نے تحریری حکم نامے میں وزیراعظم کے حلف کا حوالہ دیا اور کہا کہ امید ہے کہ وزیراعظم اپنے حلف کی خلاف ورزی نہیں کریں گے۔

عدالت کا کہنا تھاکہ اعتماد ہے کہ وزیراعظم ایسی معلومات افشا نہیں کریں گے جو ملکی مفاد کے خلاف ہو۔حکم نامے میں کہا گیا ہے کہ حلف اورآفیشل سیکرٹ ایکٹ وزیراعظم کو پابند بناتا ہے کہ اس سے بالاتر کوئی فیصلہ نہ کریں۔

فیصلے میں عدالت نے آئین کے آرٹیکل 91 شق 5 اور آفیشل سیکرٹ ایکٹ کی شق 5 کا حوالہ دیا اور کہا کہ اعتماد ہے بطور منتخب وزیراعظم وہ آفیشل سیکرٹ ایکٹ کی شق5 کی خلاف ورزی نہیں کریں گے اور آفیشل سیکرٹ ایکٹ کے تحت کوئی معلومات افشا نہیں کریں گے۔

بریکنگ نیوز ، ہائیکورٹ نے وزیر اعظم کو حلف کی خلاف ورزی میں کوئی بھی معلومات پبلک کرنے سے روک دیا "عدالت امید رکھتی ہے وزیر اعظم ایسا کچھ بھی ظاہر نہیں کریں گے"، چیف جسٹس اطہر من اللہ کا تحریری حکمنامہ جاری

— Mubasher Lucman (@mubasherlucman) March 30, 2022

اس حوالے سے سینیئرصحافی مبشرلقمان نے اسلام آباد ہائی کورٹ کے حکم کی خبربریک کرتے ہوئے کہا ہے وزیراعظم کو اسلام آباد نے پاکستان کو ملنے والے دھمکی آمیزخط کو پبلک کرنے سے روک دیا ہے،مبشرلقمان کا کہنا ہے کہ ان کا اپنا خیال ہے کہ  اس بات کی ضرورت ہے

اسلام آباد ہائیکورٹ کے مطابق بلاجواز روکنے کا حکم جاری کرنا منتخب وزیراعظم پر عدم اعتماد کو ظاہر کریگا۔اسلام آباد ہائیکورٹ نے وزیر اعظم کو سیکریٹ دستاویز پبلک کرنے سے روکنے کی درخواست نمٹا دی۔