ایتھلیٹکس فیڈریشن آف پاکستان نے کوئٹہ نیشنل گیمز کے دوران ڈوپ ٹیسٹ پازیٹو آنے پر چار ایتھلٹس پر 3،3 سال کی پابندی عائد کردی ہے جبکہ کوئٹہ نیشنل گیمز میں آرمی کے ایتھلٹس عزیر رحمان اور نعیم اختر جبکہ واپڈا کی رابعہ عاشق اور عشاء عمران کے ڈوپ ٹیسٹ لیے گئے ہیں اور جو پازیٹو آگئے اور ان کے ممنوعہ ادویات کے استعمال کے شواہد پائے گئے جس پر فیڈریشن نے ان پر 3،3 سال کا بین لگا دیا ہے۔
جبکہ چاروں ایتھلٹس پر 20 جولائی 2023 سے 19 جولائی 2026 تک پابندی ہوگی اور کوئٹہ میں 34 ویں نیشنل گیمز کے دوران ڈوپ ٹیسٹ لئے گئے تھے۔ جبکہ دوسری جانب پاکستان ہاکی فیڈریشن نے حیدر حسین کی جگہ سابق اولمپئین رانا مجاہد علی کو نیا سیکرٹری منتخب کرلیا، صدر پی ایچ ایف خالد سجاد کھوکھر نے ایک بار پھر ہاکی لیگ کروانے کے عزم کا اظہار کردیا۔
خیال رہے کہ صدر پی ایچ ایف خالد سجاد کھوکھر کی زیر صدارت لاہور میں جنرل کونسل کا اجلاس ہوا جس میں ملک کے 95 فیصد نمائندوں نے شرکت کی تھی اور اس اجلاس میں حیدر حسین کا استعفیٰ منظور کر کے سابق اولمپئین رانا مجاہد کو متفقہ طور پر سیکرٹری چن لیا گیا ہے تاہم صدر پی ایچ ایف کھوکھر نے اجلاس کے بعد بتایا کہ قومی کھیل کو دوبارہ عروج پر دیکھنے کی تمنا ہے لہذا ہاکی ٹیم کے لیے ڈچ کوچ رولینٹ اولٹمینز سے طویل المعیاد معاہدہ کر رہے ہیں۔
مزید یہ بھی پڑھیں؛
بلاول بھٹو زرداری کی فلسطینی سفارت خانے آمد؛ سفیر احمد جواد امین ربیعی سے ملاقات
ہمارے وزارت عظمیٰ کے امیدوار نواز شریف ہی ہیں۔ اسحاق ڈار
زلفی بخاری کے ریڈ وارنٹ جاری کرنے کا فیصلہ
فیض آباد دھرنا نظرثانی کیس سماعت کے لیے مقرر
جبکہ ان کا مزید کہنا تھا کہ مالی مشکلات کے باوجود پرو لیگ میں جا رہے ہیں،قومی کھیل کی بہتری کے لیے جلد ہاکی لیگ بھی کرائیں گے، فیڈریشن کے صدر نے رانا مجاہد علی کے لیے نیک خواہشات کا اظہار کرتے ہوئے کہا کہ ان کا سیکرٹری بننا پاکستان ہاکی کے لیے خوش آئند ثابت ہو گا۔