ڈاکٹر عاصم حسین اور انیس قائم خانی کو بھی کورونا ہوگیا

ڈاکٹر عاصم حسین اور انیس قائم خانی کو بھی کورونا ہوگیا۔دہشتگردوں کو علاج معالجہ اور پناہ دینے کے مقدمے میں دونوں ملزمان انسدادہشتگردی عدالت پیش نہیں ہوسکے۔وسیم اختر ذاتی مصروفیت کے باعث پیش نہیں ہوئے۔عدالت نے آئندہ سماعت پر تمام ملزمان کو حاضری یقینی بنانے کا حکم دے دیا۔
کراچی کی انسداد دہشتگردی عدالت میں دہشتگردوں کو علاج معالجہ اور پناہ دینے کے مقدمے کی سماعت ہوئی، ڈاکٹر عاصم حسین، وسیم اختر اور انیس قائم خانی عدالت پیش نہیں ہوسکے، دوران سماعت وکیل ملزمان نے عدالت کو بتایا ڈاکٹر عاصم اور انیس قائم خانی کو کورونا ہوگیا ہے، کورونا کے وجہ سے کورنٹائین میں ہے پیش نہیں ہوسکتے، وکیل وسیم اختر کا کہنا تھا کہ وسیم اختر ذاتی مصروفیت کے باعث پیش نہیں ہوسکتا، لہذا آج حاضری سے استثنی دی جائے، جس پر عدالت نے کیس کی سماعت بغیر کسی کاروائی کے 3 جولائی تک ملتوی کردی، جبکہ عدالت نے آئندہ سماعت پر تمام ملزمان کو حاضری یقینی بنانے کا حکم دے دیا۔