ممتاز حیدر
پاکستان کے دورے پر آئے معروف اسلامی سکالر اور مبلغ ڈاکٹر ذاکر نائیک پاکستان کی قومی ایئر لائن پی آئی اے پر برس پڑے
ڈاکٹر ذاکر نائیک پاکستان کے دورے پر ہیں وہ ملائیشیا سے اسلام آباد پہنچے تو ان کا شاندار استقبال کیا گیا،ڈاکٹر ذاکر نائیک کی اسلام آباد میں وزیراعظم شہباز شریف، مولانا فضل الرحمان، ایاز صادق و دیگر اہم شخصیات سےملاقاتیں ہوئیں،بعد ازاں و ہ کراچی کے دورے پر گئے اور اہم تقریبات سے خطاب کیا، گورنر ہاؤس میں بھی ڈاکٹر ذاکر نائیک کے اعزاز میں تقریب منعقد کی گئی تھی، 2 عوامی لیکچرز کا بھی انتظام کیا گیا جہاں انہوں نے مختلف موضوعات پر دینی رہنمائی کرنے کے علاوہ شرکا کے سوالات کے جوابات بھی دیے ،ایسے ہی ایک لیکچر کے دوران ڈاکٹر ذاکر نائیک نے اپنے ساتھ پیش آیا واقعہ سنایا اور پاکستان کی قومی ایئر لائن پی آئی اے کے حکام پر برس پڑے.
ڈاکٹر ذاکر نائیک نے واقعہ سناتے ہوئے کہا کہ جب وہ ملائیشیا سے پاکستان آرہے تھے تو ان کے ہمراہ موجود لوگوں کے ساتھ موجود سامان کا وزن ہزار کلو تھا، جس پر انہوں نے پی آئی اے کے سی ای او سے بات کی، اس سلسلے میں جب میں نے پی آئی اے کے کنٹری مینیجر سے رابطہ کیا تو اس نے آگے سے کہا کہ ڈاکٹر صاحب آپ کے لیے کچھ بھی کروں گا میں نے انہیں بتایا کہ 6 افراد ہیں اور سامان کا وزن 500-600 کلو زیادہ ہے،افسر نے کہا کہ آپ ڈریں مت میں اضافی سامان پر لاگو ہونے والی رقم پر 50 فیصد رعایت دوں گا، جس پر میں نے جواب دیا کہ دینا ہے تو فری دو ورنہ مت دو اور اس کی پیشکش ٹھکرادی
ڈاکٹر ذاکر نائیک کا کہنا تھا کہ یہ رویہ پاکستان ایئرلائن کا تھا اگر بھارت میں کوئی بھی غیر مسلم مجھے دیکھے گا تو فری میں چھوڑے گا ،بھارت میں اگر کوئی غیر مسلم ڈاکٹر ذاکر نائیک کو دیکھتا ہے تو ہزار سے دو ہزار کلو چھوڑ دیتا ہے،میں حکومت کا مہمان ہوں، میرے ویزے پر لکھا ہے سٹیٹ گیسٹ، اور آپ کے پی آئی اے کے سی ای او کہتے ہیں کہ وہ 50 فیصد ڈسکاؤنٹ دیں گے جبکہ ایک کلو اضافی وزن کے 110 رنگٹ (7 ہزار 135 پاکستانی روپے) چارج کررہے ہیں،مجھے اتنا دکھ ہوا کہ میں بحیثت ریاستی مہمان پاکستان میں آرہا ہوں اور وہ 300 کلو سامان نہیں چھوڑ سکتے کہ 50 فیصد رعایت دیں گے، مجھے نہیں چاہیے ایسا ڈسکاؤنٹ،
ڈاکٹر ذاکر نائیک کی ویڈیو سوشل میڈیا پر وائرل ہو چکی ہے جس میں انہوں نے پی آئی اے پر تنقید کی،ایک صارف عدنان خان کاکڑ نے ایکس پر لکھا کہ ڈاکٹر ذاکر نائیک نے پی آئی اے کے ایک ہزار کلوگرام سامان مفت لے جانے پر انکار سے مایوس ہوتے ہوئے از راہ تقابل بتایا کہ انڈیا میں ان کی اتنی زیادہ عزت کی جاتی ہے کہ غیر مسلم اہلکار بھی ان پر واری صدقے ہوئے جاتے ہیں. ان کا ہزار دو ہزار کلوگرام سامان جہاز میں مفت لاد دیتے ہیں. بات تو درست ہے. بھارتی اہلکار تو ڈاکٹر صاحب کے اتنے زیادہ فین ہیں کہ انہوں نے مختلف سرکاری عمارات از قسم تھانوں اور ڈاک خانوں میں بھی ان کے تشہیری پوسٹر لگوا رکھے ہیں.
ڈاکٹر ذاکر نائیک نے پی آئی اے کے ایک ہزار کلوگرام سامان مفت لے جانے پر انکار سے مایوس ہوتے ہوئے از راہ تقابل بتایا کہ انڈیا میں ان کی اتنی زیادہ عزت کی جاتی ہے کہ غیر مسلم اہلکار بھی ان پر واری صدقے ہوئے جاتے ہیں. ان کا ہزار دو ہزار کلوگرام سامان جہاز میں مفت لاد دیتے ہیں. بات تو… pic.twitter.com/w2kKqChhOz
— Adnan Khan Kakar 🎭 (@adnanwk) October 7, 2024
رحیق عباسی کہتے ہیں کہ ڈاکٹر ذاکر نائیک صاحب کی زبان سے پی آئی اے والا قصہ سن کر محسوس ہوا ۔۔ مولوی مولوی ہی ہوتا ہے ۔۔ دین کے نام پر جو عزت ملی ہوتی ہے اس کا دنیوی فائدہ لینے کے ہر موقع کی تلاش میں ہوتا ہے۔ فری رہائش۔۔ فری سفر ۔۔۔ فری ٹکٹ ۔۔ فری کھانے۔۔ فری سیریں۔۔ اور پھر قسمیں اٹھا اٹھا کر کہتا ہے کہ میں نے کبھی دین نہیں بیچا۔اللہ اپنی پناہ میں رکھے ۔
ڈاکٹر ذاکر نائیک صاحب کی زبان سے پی آئی اے والا قصہ سن کر محسوس ہوا ۔۔ مولوی مولوی ہی ہوتا ہے ۔۔ دین کے نام پر جو عزت ملی ہوتی ہے اس کا دنیوی فائدہ لینے کے ہر موقع کی تلاش میں ہوتا ہے۔ فری رہائش۔۔ فری سفر ۔۔۔ فری ٹکٹ ۔۔ فری کھانے۔۔ فری سیریں۔۔
اور پھر قسمیں اٹھا اٹھا کر کہتا ہے…— Raheeq Abbasi (@RaheeqAbbasi) October 7, 2024
ایک صارف نے لکھا کہ ڈاکٹر ذاکر نائیک کو پی آئی اے نے اضافی سامان پر 50 فیصد ڈسکاؤنٹ دینے کی آفر کی تو انہیں ناگوار گزری، ساتھ ہی انڈیا کی مثال دے دی کہ وہاں میرا کام "فری” ہوجاتا۔ جناب کو ڈسکاؤنٹ پسند نہ آیا تو 4 لوگ مزید لے آئے اور سامان ان میں Distribute کردیا اور پی آئی اے پر چڑھائی بھی کردی۔
ڈاکٹر ذاکر نائیک کو پی آئی اے نے اضافی سامان پر 50 فیصد ڈسکاؤنٹ دینے کی آفر کی تو انہیں ناگوار گزری، ساتھ ہی انڈیا کی مثال دے دی کہ وہاں میرا کام "فری" ہوجاتا۔ جناب کو ڈسکاؤنٹ پسند نہ آیا تو 4 لوگ مزید لے آئے اور سامان ان میں Distribute کردیا اور پی آئی اے پر چڑھائی بھی کردی۔ pic.twitter.com/vSrUkTG2mz
— jahangir Ahmed (@jahangirahmed98) October 7, 2024
لڑکیوں کو شیلڈ کیوں نہیں دی؟ ڈاکٹر ذاکر نائیک نے خود بتا دیا
پاکستان میں رہ کرجنت میں جانے کے امکانات امریکا سے کئی گناہ زیادہ ہیں،ڈاکٹرذاکرنائیک
کراچی اجتماع میں اداکارہ یشما گِل کا ڈاکٹر ذاکر نائیک سے اہم سوال
ہندو رکن اسمبلی کے جبری تبدیلی مذہب کے سوال پر ڈاکٹر ذاکر کا جواب
دھمکی یا ہتھیار دکھاکر تبدیلی مذہب حرام ہے،ڈاکٹر ذاکر نائیک
ڈاکٹر ذاکر نائیک نے میڈیا کو سب سے بڑا اور خطرناک ہتھیار قرار دیا
گورنر سندھ کامران خان ٹیسوری کا ڈاکٹر ذاکر نائیک کے لیکچر کا اعلان
وزیراعظم شہباز شریف سے مذہبی اسکالر ڈاکٹر ذاکر نائیک کی ملاقات، اسلامی تعلیمات کے فروغ پر گفتگو
ڈاکٹر ذاکر نائیک کا فلسطین کے مسئلے کے حل کے لیے نیٹو طرز کے اسلامی اتحاد کی تجویز
