پنجاب آرٹس کونس محکمه اطلاعات و ثقافت حکومت پنجاب میں ڈرامہ ایکٹ 1876 میں ترامیم کے لئے سیکرٹری اطلاعات و ثقافت کی طرف سے تشکیل کردہ کمیٹی کا اجلاس ایگزٹیو ڈائریکٹر پنجاب آرٹس کونسل سید بلال حیدر کی زیر صدارت منعقد ہوا۔ اجلاس میں میں دوسرے ممبران جن میں ڈائریکٹر جنرل پلاک بینیش فاطمہ ساھی ، ایگزٹیو ڈائریکٹر لاہور آرٹس کونسل و ایڈشنل ایڈشنل سیکرٹری ثقافت طارق محمود چوھدری ، کیوریٹر آرٹس اینڈ کرافٹ کمپلکس میاں عتیق، لا آفیسر محکمه اطلاعات و ثقافت, سٹیج آرٹسٹ طاہر انجم اور گوشی خان موجود تھے۔
اجلاس میں پنجاب میں تھیٹرز کی اپنی اصل حالت میں بحالی اور فحاشی و عریانی کو کنٹرول کے لئے نئے ضابطہ اخلاق کے لئے ڈرامہ ایکٹ 1876 میں ترامیم کے لئے مختلف تجاویز پر غور کیاگیا۔ کمیٹی کی طرف سے تجاویز کا ڈرافٹ کردہ مسودہ جلد منظوری کے لئےکابینہ کے پیش کر دیا جائے گا.تاہم طاہر انجم کا کہنا ہے کہ ہم ڈرامہ کی بہتری کے لئے کام کرنے کا ارادہ رکھتے ہیں اس سلسلے میں پنجاب حکومت سے مشاورت کر رہے ہیں، ہمیں امید ہے کہ نتائج اچھے برآمد ہوں گے اور جو ڈرامے کی شکل بگاڑنے کی کوشش کرے گا اس کو نتائج بھگتنے پڑیں گے.
