سر راہ : صبا قمر رانیہ کے کردار میں چھا گئیں‌

ڈرامہ سیریل سرا راہ جو حال میں نجی چینل سے شروع ہوا ہے اس کی پہلی قسط آن ائیر جا چکی ہے اور پہلی ہی قسط نے دھوم مچا دی ہے. کہانی کو بہت ہی خوبصورت انداز سے لکھا گیا ہے ڈائیلاگز کافی جاندار ہیں. ڈرامے کی کہانی مڈل کلاس فیملی کے گرد گھومتی ہے. رانیہ کی شادی اسکی پھوپھو کے بیٹے سے ہوتی ہے چھ سال کا عرصہ بیت جاتا ہے لیکن اسکی پھوپھو بارات لانے کے لئے تیار ہی نہیں‌نظر نہیں آتیں، بارات نہ آنے کی وجہ یہ دکھائئی گئی ہے کہ اب رانیہ کا منگیتر 80 ہزار کمانے لگا ہے اور رانیہ ان پڑھ ہے اور زیادہ جہیز بھی نہیں لا سکتی. اس لئے رانیہ کی پھوپھو اس رشے کو کرنے کے لئے راضی نہیں. دوسری طرف یہ بھی دکھایا گیا ہے کہ کس طرح‌سے والدین اپنی بیٹیوں کو نہیں‌بیٹوں کو

پڑھانے پر توجہ دیتے ہیں. یہ کہانی ویمن امپاورمنٹ کی بھی بات کرتی ہے. یہ کہانی یہ بھی بتاتی ہےکہ جب عورت گھر سے باہر کام کے لئے نکلتی ہے تو اسکو کس قسم کی مشکلات کا سامنا کرنا پڑتا ہے. یہ کہانی معاشرتی رویوں پر بھی سوالیہ نشان ہیں جو لڑکی کو کمزور سمجھتے ہیں. صبا قمر نے بطور رانیہ بہترین کام کیا ہے پہلی ہی قسط نے شائقین کو اپنے سحر میں مبتلا کردیا ہے.