ڈرامہ سیریل شہر ملال کی تعارفی تقریب کا ٹی این آئی ہاؤس میں شاندارانعقاد

ڈرامہ سیریل شہر ملال کی تعارفی تقریب کا انعقاد کیا گیا تقریب میں ڈرامہ سیریل کی اسٹار کاسٹ شریک ہوئی

ایکسپریس انٹرٹیمنٹ پر رواں ماہ 13فروری سے نشر ہونے والی نئی ڈرامہ سیریل شہر ملال کی تعارفی تقریب کا انعقاد ٹی این آئی ہاؤس میں ہوااس تقریب میں ڈرامے کی اسٹارکاسٹ کے علاوہ میڈیا سےمتعلقہ افراد نے بھی بڑی تعداد میں شرکت کی جبکہ گذشتہ روز اس کا پرومو بھی ریلیز کیا گیا
https://www.youtube.com/watch?v=hJEmNL1nCeM&feature=youtu.be
اس تقریب میں مرکزی کرداروں ماریہ واسطی، شہود علوی ،علی عباس،حاجرہ یامین،زینب قیوم،ایوب کھوسہ ،عید محمد سالم ،سائرہ اصغر،رابعہ کلثوم ،ریحان ، حمیر اظہیر عمران رضا اورفوزیہ مشتاق نے شرکت کرنے کے علاوہ تقریب میں ڈرامے کے ہدایت کار فرقان آدم اورایگزیکٹیو پرڈیوسر ذیشان خان بھی شریک ہوئے

ڈرامہ سیریل کو فرقان آدم نے ڈائریکٹ کیا ہے اس کی رائٹر سعدیہ اختر ہیں ڈرامے میں محبت اورنفرت کے گردرونما ہونے والے تلخ معاشرتی رویوں کی حقیقی انداز میں عکاسی کی گئی ہے

ڈرامے کی پہلی قسط 13فروری جمعرات رات 9بجے ایکسپریس انٹرٹینمٹ پر آن ائیر ہو گی