وزیر اطلاعات و ثقافت عامر میر کی ہدایت پر کارروائی کرتے ہوئے ہوم ڈیپارٹمنٹ پنجاب نے سٹیج ڈراموں میں فحش حرکات کرنے والی 18 ڈانسرز پر پنجاب بھر میں پابندی عائد کرنے کا فیصلہ کیا ہے۔
پہلے مرحلے میں ہوم ڈیپارٹمنٹ نے پنجاب آرٹس کونسل کی سفارش پر ان 18 سٹیج ڈانسرز کو شو کاز نوٹس جاری کر دیے ہیں اور انہیں اپنا موقف دینے کے لیے ایک ہفتہ دیا گیا ہے۔ دوسرے مرحلے میں ان ڈانسرز پر صوبہ بھر میں پابندی عائد کر دی جائے گی۔ جن ڈانسرز کو فحش حرکات کرنے پر شو کاز نوٹس جاری کیے گئے ہیں ان میں مہک بٹ، کومل چوہدری، قسمت شہزادی، نایاب خان، شیلا چوہدری، ایان اختر، سونو بٹ، ندا چوہدری، خوشبو خان، روشانی خان، کاجل چوہدری، سارہ خان، تبسم خان، ماہ نور، جیا بٹ، حرا ڈوگر، وفا علی، اور لائبہ جٹی شامل ہیں۔ ہوم ڈیپارٹمنٹ کو آگاہ کیا گیا تھا کہ یہ ڈانسرز سٹیج ڈراموں کے نام پر فحاشی اور عریانی پھیلا رہی ہیں جس کی بنا پر ان پر پابندی لگانا ضروری ہے۔ وزیر اطلاعات و ثقافت عامر میر کی ہدایت پر پنجاب آرٹس کونسل نے شمع تھیٹر، تماثیل تھیٹر، محفل تھیٹر، ناز تھیٹر، ستارہ تھیٹر، الفلاح تھیٹر لاہور، فرینڈز تھیٹر اور میرین تھیٹر ساہیوال کے خلاف بھی کارروائی کے لئے ہوم ڈیپارٹمنٹ کو خط لکھ دیا ہے کیونکہ یہاں کے مالکان بھی فحش تھیٹرز کو فروغ دینے میں ملوث ہیں۔ عامر میر نے واضح کیا ہے کہ ثقافتی اداروں میں مجروں کی اجازت نہیں دی جاسکتی اور ڈراموں کی آڑ میں بیہودگی اور بیحیائی ہرگز قابل قبول نہیں۔ لہذا پنجاب میں ایسی تمام ڈانسرز کے خلاف کریک ڈاؤن کا آغاز کر دیا گیا ہے۔ پنجاب آرٹس کونسل کی خفیہ ٹیمیں تمام تھیٹرز میں سٹیج ڈراموں کو مانیٹر کر رہی ہیں اور جہاں بھی غیر اخلاقی پرفامنس ہوگی وہاں ایکشن لیا جائے گا۔
یاد رہے کہ اس سے پہلے عامر میر نے الحمراء مال روڈ لاہور میں فحش ڈانس کرنے اور فحاشی پھیلانے پر سخت ایکشن لیتے ہوئے سٹیج ڈراموں کو فوری طور پر بند کرنے کے احکامات جاری کیے۔ ان ڈراموں کے پروڈیوسرز اور ڈائریکٹرز پر نہ صرف پابندی عائد کی گئی بلکہ فحش اور بیہودہ حرکات کرنے والی ڈانسرز شمع رانا اور پائل چوہدری کے خلاف ایف آئی آرز بھی درج کروائی گئیں۔ اس کے علاوہ عامر میر کی ہدایت پر الحمراء مال روڈ میں ہر قسم کے کمرشل سٹیج ڈراموں پر مکمل پابندی بھی عائد کر دی گئی ہے۔
10 سالہ بچے کے ساتھ مسجد کے حجرے میں برہنہ حالت میں امام مسجد گرفتار
بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار
ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا
فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں
بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل
بشریٰ بی بی کی قریبی دوست فرح نے خاموشی توڑ دی
کمسن بچوں کے ساتھ گھناؤنا کام کرنیوالا سفاک ملزم اہل محلہ نے پکڑ لیا،فحش ویڈیوز بھی برآمد
