نئی دہلی: نشے کے عادی ایک شخص نے اپنے والدین، بہن اور دادی کو قتل کردیا۔
باغی ٹی وی : بھارتی میڈیا کے مطابق دارالحکومت نئی دہلی کے علاقے پالم کے رہائشی 25 سالہ کیشوو نے تیز دھار آلے کی مدد سے اپنی دادی، والد، والدہ اور 18 سالہ بہن کو قتل کر دیا۔
چین: فیکٹری میں آتشزدگی،38 افراد ہلاک
پولیس کے مطابق تمام لاشیں گھر کے مختلف مقامات سے برآمد ہوئیں اور ملزم نے سب کو پے درپے وار کر کے بے دردی سے قتل کیا، ملزم کے والدین کی لاشیں باتھ روم سے برآمد ہوئیں جبکہ دادی اور بہن کی لاشیں کمرے سے ملیں۔
پولیس کے مطابق ملزم اپنے پورے خاندان کو قتل کرنے کے بعد فرار ہونے کی کوشش کررہا تھا جسے پڑوسیوں نے ناکام بناتے ہوئے اسے پولیس کے حوالے کردیا ملزم نشے کا عادی ہے اور واردات کے وقت بھی نشے کی حالت میں تھا۔
پولیس حکام کا بتانا ہے کہ کیشوو گھر سے فرار ہونے کا منصوبہ بنا رہا تھا کہ اس کے گھر والوں نے اسے پکڑ لیا اور اسے گھر میں بند کر دیا، ملزم کیشوو چند روز قبل ہی مرکز بحالی صحت سے واپس گھر لوٹا تھا۔
