دبئی ڈرائیوروں کی ایمانداری: حکومت کی جانب سے خصوصی "میڈل آف ٹرسٹ”

دبئی میں ٹیکسی ڈرائیوروں کی ایمانداری پر حکومت کی جانب سے انہیں انعامات سے نوازا گیا۔

باغی ٹی وی : رپورٹس کے مطابق مختلف اوقات میں دوران سفر مسافر اپنا سامان ٹیکسیوں میں بھول گئے تھے جس کی مجموعی مالیت 3 کروڑ 28 لاکھ پاکستانی روپے سے زائد تھی۔

رواں سال کے 6 ماہ کے دوران جن جن ٹیکسی ڈرائیورز نے انسانیت اور ایمانداری کی مثال قائم کی انہیں اس اعزاز کا حقدار سمجھا گیا ہے۔

گندے گیسٹ ہاؤس میں نظربندی کے دوران پریانکا گاندھی کی جھاڑو سے صفائی، ویڈیو وائرل

ٹیکسی ڈرائیورز نے تمام سامان مالکان کو واپس کردیا تھا جس پر دبئی حکومت نے 40 ایماندار ڈرائیورز کو انعامات اور سرٹیفکیٹس سے نوازا۔

انہیں اپنے اس عمل کے لیے خصوصی ‘میڈل آف ٹرسٹ’ بھی دیا گیا ہے۔

2021 طب کا نوبل انعام امریکی سائنسدانوں نے جیت لیا

ٹرانسپورٹ کی نگرانی کرنے والے ادارے کا کہنا ہے کہ ان اعزازت کے لیے ان ڈرائیورز کی ایمانداری اور کام سے محبت کا جشن منایا گیا ہے۔

ڈرائیوروں نے میڈل آف ٹرسٹ حاصل کرنے پر فخر کا اظہار کیا۔ انہوں نے کھوئی ہوئی اشیا، چاہے وہ پیسے ہوں یا ذاتی سامان، اہل حکام کو واپس دے کر مسافروں کے اطمینان اور خوشی کے حصول کے لیے اپنے عزم کی تجدید کی۔

سال 2021 کا طب کا نوبیل انعام کورونا ویکسین بنانے والوں کو دینے کا امکان