بدین :بلاول بھٹو کے نام بدین کے بھوکے بچے کا پیغام ” سوکھی روٹی کھارہا ہوں ، ساتھ کھانے کو کچھ نہیں ،اطلاعات کےمطابق کورونا وائرس کے پھیلاؤ کو روکنے کے لیے کیے گئے لاک ڈاون کے باعث جہاں دیگر شعبہ ہائے زندگی سے تعلق رکھنے والے افراد متاثر ہیں وہیں دیہاڑی دار طبقے کے لیے دو وقت کی روٹی کا بندوبست کرنا بھی مشکل ہو گیا ہے۔
ذرائع کےمطابق بلاول بھٹو کی حکومتی نگری بدین میں محنت کشوں کے بچے سوکھی روٹی پانی میں ڈبو کر کھانے پر مجبور ہیں ، اطلاعات کے مطابق بدین میں ایک بچہ سوکھی روٹی کھاکراللہ کا شکراداکررہا ہے، لیکن ساتھ بلاول بھٹوکے لیے ایک پیغام چھوڑ رہا ہےکہ بلاول صاحب آپ وفاقی حکومت کو ہرمزدورکو18 ہزارروپے دینے کا مطالبہ تو کررہے ہیں لیکن سندھ کے دوردراز علاقہ بدین میں مجھے سوکھی روٹی کھاتے ہوئے بھی آپ کو ترس نہیں آرہا
ادھر لاک ڈاون کی وجہ سے لوگوں کی مشکلات میں مسلسل اضافہ ہورہا ہے ، مختلف شہروں میں کھانے پینے کی چیزیں بھی مہنگی ہوگئیں، اسلام آباد میں چینی اور آٹے کی قیمتیں بھی بڑھ گئیں جب کہ یوٹیلٹی اسٹورز پر آٹا اور چینی نایاب ہو گیا۔فیصل آباد میں آٹے کی قلت کا مسئلہ شدت اختیار کرگیا، یوٹیلٹی اسٹورز پر بھی آٹا غائب جب کہ سرکاری سیلز پوائنٹس پر خریداروں کی لمبی لمبی قطاریں لگ گئی ہیں۔
دوسری جانب وزیر اعظم کا کہنا ہے نہیں چاہتے کہ کورونا وائرس کے خوف کی وجہ سے لوگ بھوک سے مرنا شروع ہوجائیں، بے روزگاری سے متاثر ایک کروڑ 20 لاکھ افراد کو احساس پروگرام کے تحت 12 ہزار روپے کی امداد پہنچائی جائے گی ۔
تاجروں میں ٹیکس ری فنڈ کے چیک تقسیم کرنے کی تقریب سے خطاب میں عمران خان نے کہا کہ اللہ کا شکر ہے پاکستان میں کورونا کا پھیلاؤ دنیا کے دیگر ملکوں کی طرح نہیں، تعمیراتی صنعت اور تعمیراتی کاموں کو شرائط و ضوابط کے ساتھ کھولنے کی حکمت عملی بنائی جا رہی ہے، کل تعمیراتی صنعت کے لیے بڑے پیکیج کا اعلان بھی کیا جائے گا۔
