بھارتی ریاست راجھستان میں لڑکیوں کی تعلیم کو فروغ دینے کے لیے کوشاں دلہن نے اپنے جہیز کے لیے رکھے گئے 75 لاکھ روپے لڑکیوں کی تعلیم پر لگا دیئے-
باغی ٹی وی : بھارتی میڈیا کے مطابق راجھستان میں دلہن نے شادی سے قبل والدین سے ایک انوکھی فرمائش کردی۔ برمار شہر کی انجلی کور نے اپنے والد کشور سنگھ کنود سے اس کی شادی کے لیے رکھے گئے 75 لاکھ بھارتی روپے لڑکیوں کی تعلیم کے لیے وقف کرنے کی فرمائش کردی۔
#positivenews #barmer #girleducation pic.twitter.com/UPl9BqXKfE
— Tribhuwan Singh Rathore 🇮🇳 (@FortBarmer) November 24, 2021
اخبار کے مطابق انجلی کے والد کنورسنگھ پہلے ہی اس علاقے میں گرلز ہاسٹل کی تعمیر کے لیے ایک کروڑ روپے عطیہ کرچکے ہیں لیکن تعمیر مکمل کرنے کے لیے مزید 50 سے 75 لاکھ روپے درکار تھے اور فنڈز کی قلت ان کی بیٹی انجلی کے جہیز کی رقم سے پوری ہوچکی ہے۔
بھارت میں قائداعظم کی تعریف پر بی جے پی آگ بگولہ ہو گئی
رپورٹ کے مطابق راجھستان میں لڑکیوں کی تعلیم کو فروغ دینے کے لیے کوشاں انجلی کور نے اپنے والد سے مطالبہ کیا کہ وہ ا کے جہیز کے لیے رکھے گئے پیسوں سے لڑکیوں کے لیے ہاسٹل کی تعمیر کرادیں کشور سنگھ نے اپنی بیٹی کو خواہش کو پورا کرتے ہوئے 75 لاکھ روپے گرلز ہاسٹل کی تعمیر کے لیے عطیہ کردیے ہیں۔
شادی کی رسومات سے فارغ ہونے کے بعد انجلی نے مغربی راجھستان کے مشہور مذہبی رہنما مہانت پرتاپ پوری کو ایک خط میں اپنی خواہش کا ذکر کیا، جنہوں نے انجلی کے اس اقدام کو سراہتے ہوئے کہا کہ معاشرے کی بہتری کے لیے کنیا دان میں اس خواہش کا اظہار کرنا بذات خود بہت قابل ستائش بات ہے۔
