دنیا کا سب سے بڑا اور مہنگا ایکوریم عوام کیلئے کھول دیا گیا
ابوظہبی میں دنیا کے سب سے بڑے اور مہنگے ایکوریم کو عوام کے لیے کھول دیا گیا ایکوریم کی سیر کرنے میں سیاحوں کو دو گھنٹے تک کا وقت لگے گا۔
باغی ٹی وی : برطانوی خبررساں ادارے "روئٹرز” کے مطابق 25 ملین لیٹر پانی میں 68 ہزار سمندری حیات رکھی جائیں گی جس میں شارک، اسکولز آف فش، منٹاریز اور سمندری کچھوے شامل ہیں۔
The largest aquarium in the Middle East, The National Aquarium Abu Dhabi, opened its doors. Some of the aquarium's most iconic species include a seven-meter-long ‘Super Snake,’ hammerhead sharks and an Asian water monitor lizard dubbed ‘Professor’ pic.twitter.com/xZ4BOOawtG
— Reuters (@Reuters) November 15, 2021
نیشنل ایکوریم ابوظہبی میں دنیا کا سب سے بڑا سات میٹر لمبا سانپ رکھا گیا ہے۔ سُپر اسنیک نامی اژدھے کا وزن 115 کلو گرام ہے جب کہ اس کی عمر 14 سال بتائی گئی ہےیہ سانپ ایک بہترین تیراک ہے، اس کی مرغوب غذاؤں میں بطخیں اور خرگوش شامل ہیں ریٹیکولیٹڈ پائتھن نامی سانپ کو پکڑنے کے لیے 12 افراد پر مشتمل ٹیم مرتب کی گئی اور اسے ابوظہبی کے القانہ میں نیشنل ایکوریم (ٹی این اے) میں رکھا گیا ہے۔
یو اے ای: ایکوریم میں دنیا کا سب سے بڑا سانپ
جنوب مشرقی ایشیا کا رہنے والا یہ ریٹیکولیٹڈ پائتھن دنیا کا سب سے لمبا سانپ ہے اگرچہ یہ غیر زہریلا ہے، لیکن وہ اپنے شکار کو اردگرد لپیٹ کر مارتے ہیں پائتھن کے جبڑے بہت لچکدار ہوتے ہیں جو بڑے بڑے سے شکار کو باآسانی نگل لیتے ہیں سانپ کی رکھوالی کے لیے موجود افراد کا کہنا ہے کہ اگرچہ یہ سانپ ہم سے مانوس ہے مگر اس کے باوجود ہمیں بہت احتیاط سے اس کے نزدیک جانا پڑتا ہے۔
پروجیکٹ کےسی ای او محمد عبداللّٰہ الزابی نے کا کہنا ہے کہ ان کا ادارہ اس سی ورلڈ پارکس کی تعمیر پر نہایت خوش ہے یہ آئندہ نسل کا میرین لائف پارک ہوگا جبکہ امارات میں یہ آبی حیات کے ایک بڑے تحقیقی مرکز اور جانوروں کی نگہداشت کرنے والے ادارے کے طور پر بھی کام کرے گا۔
انتظامیہ کا کہنا ہے کہ عالمی سیاحتی مقام میں مقبوبلیت حاصل کرنے کے لیے یہ ایکیوریم ایک اہم کردار ادا کرے گا۔
