دنیا بھر میں ہیضے کی وباء میں تشویشناک اضافہ،ڈبلیو ایچ او

جنیوا: عالمی ادارہ صحت نےخبردار کیا کہ برسوں بعد، دنیا بھر میں ہیضے کی وباء میں پریشان کن اضافہ ہو رہا ہے-

باغی ٹی وی: ہیضہ اور اسہال کی وبائی امراض پر ڈبلیو ایچ او کی ٹیم کے سربراہ فلپ باربوزا نے جنیوا میں میڈیا سے بات کرتے ہوئے کہا کہ صرف اس سال کے پہلے نو مہینوں میں، 26 ممالک میں ہیضے کے پھیلنے کی اطلاع ملی ہے، اس نے مزید کہا کہ 2017 اور 2021 کے درمیان، 20 سے کم ممالک میں ہر سال وبا پھیلنے کی اطلاع ملی۔

اینٹی ڈپریسنٹ کا دیر پا استعمال قلبی امراض کے خطرات میں اضافہ کر سکتا ہے،تحقیق

فلپ باربوزا نے کہا کہ کئی سالوں کی گرتی ہوئی تعداد کےبعد، ہم گزشتہ چند سالوں کےدوران دنیا بھر میں ہیضےکی وباء میں تشویشناک اضافہ دیکھ رہےہیں نہ صرف ہمارے ہاں پھیلنے کی تعداد زیادہ ہے، بلکہ یہ وبا خود بھی بڑی اور زیادہ مہلک ہے۔

انہوں نے کہا کہ 2021 میں رپورٹ ہونے والی اوسط اموات کی شرح پچھلے پانچ سالوں کے مقابلے میں تقریبا تین گنا بڑھ گئی ہے باربوزا نے کہا کہ ہیضے کے روایتی محرکات جیسے کہ غربت اور تنازعات کے ساتھ ساتھ، موسمیاتی تبدیلی تیزی سے اس مرکب کا حصہ تھی۔

اسپیلنگ میں معمولی غلطی پرٹیچرنےدلت طالبعلم کوقتل کردیا

باربوزا نےکہا کہ سیلاب، طوفان اور خشک سالی جیسے انتہائی موسمیاتی واقعات صاف پانی تک رسائی کومزید کم کر دیتے ہیں اور ہیضے کے پھلنے پھولنے کے لیے ایک مثالی ماحول بناتے ہیں جیسا کہ موسمیاتی تبدیلی کےاثرات شدت اختیار کر رہےہیں، ہم صورتحال کے مزید خراب ہونے کی توقع کر سکتے ہیں جب تک کہ ہم ہیضے کی روک تھام کو فروغ دینے کے لیے ابھی سے کام نہ کریں۔

فلپ باربوزا نے کہا کہ ڈبلیو ایچ او کے پاس ہیضے سے ہونے والی اموات کی تعداد کا کوئی اعداد و شمار نہیں ہے، اس کی بنیادی وجہ یہ ہے کہ متاثرہ ممالک ڈیٹا تیار نہیں کرتے ہیں طلب سےزیادہ سپلائی کےساتھ ویکسین کی دستیابی انتہائی محدود ہےحالانکہ چند ملین خوراکیں باقی ہیں جو سال کے اختتام سے پہلے استعمال کی جا سکتی ہیں۔

رات دیر تک جاگنا ٹائپ 2 ذیا بیطس کے خطرات بڑھا دیتا ہے، تحقیق