دنیاکی خاموشی نے بھارت کو شہہ دی، اسد عمر کی ٹویٹ

سابق وزیرخزانہ اور پاکستان تحریک انصاف کے رہنما اسد عمر نے کہا ہے کہ دنیا کی خاموشی نے بھارت کو شہ دے دی ہے اور عالمی برادری کے سکوت سے فائدہ اٹھا کر وہ معصوم کشمیریوں پر ظلم و ستم میں اضافہ کرتا جا رہا ہے

انہوں نے کہا کہ عالمی برادری کو رات کی تاریکی میں بالاکوٹ پر بزدلانہ بھارتی حملے کا نوٹس لینا چاہئیے تھا، لگتا ہے اس حملے کے بعد ملنے والی رسوائی سے بھارت نے کچھ بھی سبق نہیں سیکھا۔

اسد عمر نے مزید کہا کہ شہری آبادی پر کلسٹر بم پھینک کر بھارت انسانی حقوق کی دھجیاں بکھیر دی ہیں اور وہ کشمیر میں ایک نئی شرارت کی منصوبہ بندی میں مصروف ہے
واضح رہے کہ ان حالات میں کشمیر میں شیدید کشیدگی پائی جاتی ہے .مقبوضہ کشمیر میں بھارت سرکار کی جانب سے سیاحوں کو کشمیر چھوڑنے کے حکم کے بعد سیاحوں نے کشمیر سے جانا شروع کر دیا ہے، مقبوضہ کشمیر میں 38 ہزار مزید بھارتی فوج کی تعیناتی کے بعد کشمییر میں کرفیو کا سا سماں ہے، پٹرول پمپوں پر پٹرول ختم اور اے ٹی ایم پر بھی رش دیکھنے کو ملا.