دنیا نیوز کو تالا لگا دیا گیا

لاہور: دنیا میڈیا گروپ کی طرف سے ملازمین کو جبری برطرف کرنے کے خلا ف پریشان حال بے روزگار صحافی دنیا نیوز کے دفتر کے باہر احتجاج کرنے پر مجبور ہوگئے گئے ،جبری بے روزگار کیے گئے ملازمین نے دنیا نیوز کے مین گیٹ کو تالہ لگا دیا

ذرائع کے مطابق پریس کلب قائدین کی قیادت کی سربراہی میں رانا عظیم سیکرٹری جنرل پی ایف یو جے ، سابق صدر لاہور پریس کلب محمد اعظم چوہدری سمیت سیکنڑوں کارکنان کی موجودگی میں‌ صدر ایمرا آصف بٹ اور محمد علی میو نے دنیا ٹی وی کے باہر تالا لگادیا۔مرکزی دروازے پر کامیابی سے دھرنا جاری ہے کسی شخص کو ادارے کے اندر داخل نہیں ہونے دیا جا رہا، مظاہرین پوسٹر لیے دنیا نیوز مالکان کے خلاف مظاہرے کررہے ہیں‌اور بے روزگار کیے جانے والے صحافیوں کو جلد از جلد بحال کرنے کا مطالبہ کررہے ہیں

واضح رہے کہ ایک دن قبل لاہور پریس کلب کی گورننگ باڈی کا ہنگامی اجلاس قائم مقام صدر ذوالفقارعلی مہتو کی صدارت میں ہوا تھا جس میں فیصلہ کیا گیا تھا کہ تحریک کے پہلے مرحلے میں دنیا گروپ سے 100 سے زائد صحافیوں اور دیگر ملازمین کی حالیہ برطرفیوں کے خلاف آج (3 ستمبر کو) دنیا گروپ کے صدر دفتر واقع ایبٹ روڈ کے سامنے احتجاجی دھرنا دیا جائے گا جس کے لئے پریس کلب سے سہ پہر 3 بجے ریلی پہنچی ہے، ریلی میں مختلف صحافتی تنظیموں کے لوگ شریک ہیں،