معروف اداکارہ دردانہ بٹ 83 برس کی عمر میں انتقال کرگئیں

معروف اداکارہ دردانہ بٹ 83 برس کی عمر میں انتقال کرگئیں۔

باغی ٹی وی : پاکستان شوبز انڈسٹری کی ماضی کی معروف اداکارہ دردانہ بٹ کو طبیعت ناسازی کے باعث وینٹی لیٹر پر منتقل کیا گیا تھا گزشتہ دو ہفتوں سے کورونا کی تشخیص کے بعد اسپتال میں زیر علاج تھیں۔

اداکار خالد ملک نے دردانہ بٹ کے انتقال کی تصدیق اپنے انسٹاگرام پوسٹ میں کی انہوں نے لکھا کہ دردانہ آپا دنیا چھوڑ کر خالقِ حقیقی سے جا ملی ہیں، عقلمند، مزاحیہ، بصیرت والی داردانہ بٹ ایک خاص روح تھیں، جو اب اس دنیا میں نہیں رہی ہیں۔

خالد ملک کی پوسٹ پر فنکاروں سمیت سوشل میڈیا صارفین کی جانب سے افسوس کا اظہار اور4 مغفرت کی دائیں کی جا رہی ہیں –

واضح رہے کہ اس سے قبل ان کی علالت اور وینٹیلیٹر پر منتقل کیے جانے کے حوالے سے بتایا تھا اور اداکارہ کے مداحوں کو ان کی طبیعت کی ناسازی کی اطلاع دی اور ان کے لیے دُعاؤں کی اپیل کی تھی-

واضح رہے کہ 83 سالہ دردانہ بٹ نے اداکاری کا آغاز 70 کی دہائی میں پاکستان ٹیلی ویژن کے مشہور کامیڈی ڈرامہ ’ففٹی ففٹی‘ میں معین اختر کے ساتھ کیا تھا جسے خوب پسند کیا گیا تھا اداکارہ کو ان کی بہترین صلاحیتوں کے اعتراف میں 1985 میں پی ٹی وی کی جانب سے بہترین اداکارہ کا ایوارڈ بھی دیا جا چکا ہے۔دردانہ بٹ ماضی کے مقبول ترین ڈرامے ’تنہایاں‘ اور پھر ’تنہایاں نئے سلسلے‘ میں اپنے کردار کی وجہ سے شہرت کی بلندیوں پر پہنچیں-