ای روزگار فری لانسنگ پروگرام میں آن لائن تربیت لینے کی سہولت متعارف کروا دی گئی
باغی ٹی وی : چیئرمین پی آئی ٹی بی اظفر منظور کے مطابق ای روزگار فری لانسنگ پروگرام میں آن لائن تربیت لینے کی سہولت بھی متعارف کروا دی گئی،بیروزگار ایم اے پاس نوجوان اب سنٹرز کی بجائے آن لائن ٹریننگ بھی لے سکیں گے
ای روزگار محکمہ یوتھ افیئرز‘ سیاحت و کھیل اور پی آئی ٹی بی کا مشترکہ پروگرام ہے.آن لائن ٹریننگ سے بڑی تعداد میں نوجوان تربیت لیکر آمدنی کما سکتے ہیں‘ای روزگار سے تربیت پانیوالے گریجوایٹس 35 کروڑ روپے سے زائد زرمبادلہ کما چکے ہیں
اس سے قبل مخصوص ای روزگار سنٹرز میں جا کر فری لانسنگ کی تربیت ملتی تھی.پروگرام میں ٹیکنیکل‘ نان ٹیکنیکل‘ کری ایٹو ڈیزائن میں تین ماہ کے کورسز کرائے جاتے ہیں.پنجاب کے 26 اضلاع میں 31 تربیتی مراکز فعال ہیں جن میں سے 4 مراکز خواتین کے لیے مختص ہیں.ای روزگار سے 20 ہزار سے زائد امیدوار تربیت لے چکے‘خواتین کی شرح 54 فیصد ہے.
کورونا وائرس کی صورتحال میں آن لائن تربیت سے تقریباً 5 ہزار بیروزگار نوجوان مستفید ہو ئے .داخلے کیلئے ایم اے پاس‘ 35 برس کے پنجاب ڈومیسائل اور بیروزگار افراد آن لائن اپلائی کر سکتے ہیں
آن لائن داخلے کا ایڈریس: www.erozgaar.pitb.gov.pk/apply