مکہ المکرمہ (اے پی پی) سعودی حکومت عمرہ کے لئے ای ویزہ کے باقاعدہ اجراء کا آغاز 24 اگست سے کرے گی.
تفصیلات کے مطابق سعودی حکومت کی جانب سے عمرہ کے لئے ای ویزہ کا باقاعدہ اجراء 24 اگست سے شروع ہو گا۔ سعودی وزارت حج و عمرہ کے انڈر سیکرٹری عبدالعزیز وضان نے کہا ہے کہ اس مرتبہ نئے عمرہ سیزن کے لئے ایک کروڑ ویزے جاری کئے جائیں گے جبکہ عمرہ کے لئے ای-ویزوں کے اجراءکے لئے خصوصی طور پر تشکیل دیئے جانے والے پلیٹ فارم سے ای ویزوں کا اجراء 24 اگست سے شروع ہو ہورہا ہے جہاں پر عمرہ کا ویزہ 24 گھنٹوں سے کم وقت میں جاری ہو گا۔
انہوں نے بتایا کہ عمرہ کے ویزہ کے حصول کے لئے نئے اور جدید ای ویزہ پلیٹ فارم کو ”دی سنٹرل پلیٹ فارم فار دی الیکٹرانک ایشواینس آف دی عمرہ ویزاز“ کا نام دیا گیا ہے۔
