کمائی بھی جاسوسی بھی، بھارتی پولیس کاٹک ٹاک پرنوجوانوں کوآگاہی دینےکااعلان

دہلی:بھارتی پولیس نے بھی سوشل میڈیا کے ذریعے کمانے اور باتوں باتوں میں پھنسانے کاایک منفرد طریقہ اپنالیا، اطلاعات کے مطابقبھارتی ریاست بنگلور کی پولیس نے ٹک ٹاک پر اکاؤنٹ بنالیا ہےتاکہ وہ اس کے ذریعےنوجوانوں کو آگاہی فراہم کرسکیں ۔

اس وقت کی مقبول ترین ایپ ٹک ٹاک نے ہرنوجوان کو اپنا دیوانہ بنایاہوا ہے اور نوجوانوں کی اکثریت مختلف ٹک ٹاک ویڈیوز بناکراپنا کافی وقت اس ایپ پر گزارتے ہیں ۔ ٹک ٹاک کی مقبولیت کو دیکھتے ہوئے بھارتی پولیس بھی پیچھے نہ رہی اور بنگلور کی سٹی پولیس نے بھی ٹک ٹاک پر اکاؤنٹ بنالیا تاکہ وہ ٹک ٹاک ویڈیو کی مدد سے نوجوانوں تک رسائی حاصل کرسکیں اور انہیں آگاہی بھی فراہم کرسکیں۔

متعلقہ حکام کے مطابق ٹک ٹاک کے مواد کو مدنظر رکھتے ہوئے اس پر آگاہی سے متعلق ویڈیوز اپ لوڈ کی جائیں گی۔ ان ویڈیو زمیں آگاہی کے ساتھ ساتھ ہنسی مذاق کا عنصر بھی شامل ہوگا۔بھارتی میڈیا کے مطابق بنگلور پولیس کے حکام کا اس حوالے سے کہنا تھا کہ "ہم بھی اب مقبول ترین پلیٹ فارم ٹک ٹاک پر ہیں اور یہ نوجوانوں سے جُڑنے کے لیے کافی ہمارے لیے اچھاپلیٹ فارم رہے گا ”

بنگلورپولیس کی جانب سے ٹک ٹاک پرلگائی جانے والی پہلی ویڈیو ٹریفک قوانین سے آگاہی کےحوالے سے ہے جبکہ دوسری ویڈیو ڈی سی پی ایشا پانت کے ساتھ بنائی گئی جس میں وہ گانا گارہی ہیں جوسوشل میڈیا پربھی خوب وائرل ہے . بھارتی میڈیا کے مطابق بنگلور پولیس کی جانب سے ٹک ٹاک اکاؤنٹ پر آگاہی سے متعلق ویڈیوز بھی اپ لوڈ کی گئی ہیں اور ان کے فالوورز کی تعداد 25 ہزار تک پہنچ گئی ہے۔

واضح رہے کہ ٹِک ٹاک سے پہلے فیس بک مسینجر کا شمار ڈاؤن لوڈ کے لحا ظ دوسرے نمبر پر تھا لیکن ٹِک ٹاک نے یہ ریکارڈ بھی توڑ دیا ہے اور اب یہ دنیا میں واٹس اپ کے بعد دوسرے نمبر پر ہے ۔ گزشتہ سال ماہِ نومبر میں ایپلیکیشن کو پلے اسٹور اور ایپل اسٹور دونوں سےہی ایک ارب 50 کروڑ صارفین نے ڈاؤن لوڈ کیا۔2019 میں یہ ایپ دنیا میں سب سے زیادہ بھارت میں ڈاؤن لوڈ کیا گیا تھا۔آج کل مقبول ترین ایپ ٹک ٹاک نوجوانوں کی پسندیدہ ایپ سمجھی جاتی ہے۔