اسلام آباد : سوات، شانگلہ، دیربالا، ملاکنڈ ، بٹگرام اور اس کے گرد ونواح میں زلزلے کے جھٹکے محسوس کئے گئے، جس سے لوگوں میں خوف وہراس پھیل گیا۔رات گئے زلزلے کے جھٹکوں نے سب کی نیندیں اڑادی ہیں
تفصیلات کے مطابق خیبر پختونخوا میں سوات، شانگلہ دیربالا، ملاکنڈ ، بٹگرام کے مختلف علاقوں میں زلزلے کے جھٹکے محسوس کئے گئے ہیں جبکہ زلزلے کے جھٹکوں سے شہریوں میں خوف وہراس پھیل گیا۔
لوگ گھروں سے کلمہ طیبہ کا ورد کرتے ہوئے باہر نکل آئے۔ زلزلہ پیما مرکز کے مطابق زلزلے کی شدت 4.3 جبکہ گہرائی 222 کلو میٹر تھی اس کا مرکز کوہہ دوکش کا پہاڑی سلسلہ تھا۔زلزلہ پیما مرکز سے اب تک زلزلے سے کسی بھی جانی نقصان کی اطلاع موصول نہیں ہوئی۔ زلزلے کی وجہ سے ہر طرف خوف کا عالم پھیل گیا۔
