باغی ٹی وی کی رپورٹ کے مطابق ضمنی الیکشن کی انتخابی مہم میں حصہ لینے پر الیکشن کمیشن نے حکومتی شخصیت کو نوٹس جاری کر دیا
الیکشن کمیشن نے این اے 75 سیالکوٹ میں ضمنی انتخاب میں ضابطہ اخلاق کی خلاف ورزی کا نوٹس لیتے ہوئے معاون خصوصی عثمان ڈار کو نوٹس جاری کر دیا۔الیکشن کمیشن نے معاون خصوصی عثمان ڈار کو نوٹس جاری کرت ہوئے کہا کہ حکومتی عہدہ رکھتے ہوئے انتخابی مہم میں حصہ کیوں لیا ؟۔ الیکشن کمیشن نے ڈسکہ میں انتخابی امیدوار کے ہمراہ موجودگی کو الیکشن ایکٹ 2017 کی خلاف ورزی قرار دے دیا۔ الیکشن کمیشن نے عثمان ڈار کو ذاتی حیثیت میں ڈسکہ کے مقامی آفس پیش ہونے کی بھی ہدایت کر دی۔
عوامی لیڈر، عوام کے ساتھ!
سیالکوٹ: مرکزی رہنما پاکستان تحریک انصاف عثمان ڈار کا حلقہ این اے 75 کی الیکشن کیمپین میں عوام کے ساتھ عوامی انداز۔
@AliAsjadMalhi @teamUDPTI @UdarOfficial pic.twitter.com/fc3Wfu7cn3— Husnain Ali (@Ch_Husnainpti) February 12, 2021
واضح رہے این اے 75 سیالکوٹ کے ضمنی انتخابات کی مہم حتمی مرحلے میں داخل ہوگئی۔ مسلم لیگ ن اور پی ٹی آئی کے ارکان انتخابی مہم میں مصروف ہیں۔ انتخابی مہم میں اپوزیشن جماعتوں کے منتخب ارکان اسمبلی نے بھی شرکت کی، جن میں احسن اقبال، رانا ثناء، خرم دستگیر، جاوید لطیف بھی شامل ہیں۔
یاد رہے این اے 75 سیالکوٹ میں ضمنی انتخاب کا معرکہ 19 فروری کو سجے گا۔ علی اسجد ملہی تحریک انصاف کی ٹکٹ پر انتخاب لڑیں گے۔
