پاکستان شوبز انڈسٹری کی معروف اداکارہ حرا مانی نے مداحوں کو کورونا سے لڑنے کے لئے اہم پیغام دیا کہ سیر و تفریح والے مقامات پر جانے سے گریز کریں کیونکہ اس سے ناصرف آپ کو بلکہ آپ سے منسلک دیگر لوگوں کی جان کو بھی خطرہ ہوسکتا ہے۔
باغی ٹی وی : اداکارہ حرا مانی اور اُن کے شوہر اور اداکار سلمان شیخ عرف مانی نے سماجی رابطے کی ویب سائٹ انسٹاگرام پر کورونا وائرس کے حوالے سے خصوصی ویڈیو پیغام جاری کیا ہے۔
https://www.instagram.com/p/CAj33aglTgF/?igshid=1ffh4ifu63wfg
مانی نے کہا کہ لاک ڈاؤن نرم ہونے کا ہرگز یہ مطلب نہیں کہ آپ کورونا کی احتیاطی تدابیر اختیار کرنا چھوڑ دیں حرا نے کہا کہ ۔خاص طور پر ان چھٹیوں میں سیر و تفریح والے سیاحی مقامات پر جانے سے گریز کریں
مانی نے کہا کہ کیونکہ اس سے ناصرف آپ کو بلکہ آپ سے منسلک دیگر لوگوں کی جان کو بھی خطرہ ہوسکتا ہے
حرا نے مزید کہا کہ صوبائی اور ضلعی انتظامیہ کی معلومات سے خود کو آگاہ رکھیں اور غیر ضروری سفر کرنے سے گریز کریں۔‘
آخر میں مانی نے کہا کہ احتیاط کریں اور زندگی بچائیں۔
یاد رہے کہ پاکستان میں کورونا وائرس کے کیسز کی تعداد 56 ہزار 349 ہو چکی ہے، جبکہ جاں بحق افراد کی کُل تعداد 1 ہزار 167 ہو گئی۔
