عید پر لگنے والی فلموں کا مایوس کن بزنس

اس عید پر چار اردو فلمیں ہوئے تم اجنبی ، منی بیک گارنٹی ، دادل اور دوڑ نمائش پذیر ہوئیں ان کے ساتھ تین پنجابی فلمیں جن میں لاہور قلندر ، ببرا گجرو دیگر کے نام شامل ہیں . دو پشتو فلموں کے علاوہ ہالی وڈ کی فلم جون وہک بھی لگی ، جن فلموں سے توقع کی جا رہی تھی انہوں نے بزنس نہ کیا ، منی بیک گارنٹی کا پہلے دن بزنس دو کروڑ رہا اور ہوئے تم اجنبی کا پہلے دن کا بزنس 48 کروڑ اور دوسرے دن کا 58 کروڑ رہا. جبکہ دادل اور دوڑ تو مقابلے کی دوڑ سے بالکل ہی باہر ہو گئیں ، ان فلموں کے ہر شو میں آٹھ دس لوگ پائے گئے. تاہم لاہور قلندر نے ان دونوں فلموں

سے کچھ بہتر بزنس کیا. مجموعی طور پر عید الفطر پر ریلیز ہونے والی فلموں کا بزنس مایوس کن رہا، شائقین بہت جوش و جذبے کے ساتھ ہوئے تم اجنبی اور منی بیک گارنٹی کو دیکھنے کے لئے سینما گھروں میں گئے لیکن زیادہ متاثر ہو کر باہر نہ نکلے. دونوں فلموں میں بڑی سٹار کاسٹ ہے اور بڑے بجٹ سے بنی یہ بڑی فلمیں ہیں ، ان دونوں فلموں کو نئے ڈائریکٹرز نے بنایا ، کامران شاہد اور فیصل قریشی کی بڑی سکرین کے لئے یہ پہلی فلمیں تھیں. شائقین دونوں ہی فلموں سے بےحد مایوس ہیں . منی بیک گارنٹی میں جو لوگ وسیم اکرم کو دیکھنے کےلئے بےتاب تھے وہ بھی بے حد مایوس ہوئے.