آج ملک بھر میں حضرت محمد کریم رحمۃ للعالمین ﷺ کا یوم پیدائش مذہبی جوش و جذبے سے منایاجا رہا ہے۔
دن کے آغاز پر وفاقی اور چاروں صوبائی دارالحکومتوں میں پاک فوج کے دستے نے 31 توپوں کی سلامی پیش کی اور پاکستان زندہ باد کے نعرے لگائے۔ توپوں کی سلامی کے بعد ملکی سلامتی کے لیے دُعائیں بھی کی گئیں۔
لاہورمیں محفوظ شہید گیریژن میں 21 توپوں کی سلامی دی گئی، پاک فوج کےجوانوں کےاللہ اکبراورپاکستان زندہ باد کے نعرے لگائے۔
عید میلاد کے موقع پر اسلام آباد میں شاہراہ دستور پر اہم عمارتوں کو سجا دیا گیا ہے جبکہ لاہور اور کراچی سمیت چھوٹے بڑے شہروں میں بازار اور درودیوار برقی قمقموں سے روشن ہیں۔
ملک بھر کے چھوٹے بڑے شہروں میں میلاد کے جلوس نکالے جا رہے ہیں، درود و سلام کی صداوں سے فضا معطر ہے، عاشقان رسول آقا کی ولادت کی خوشی میں مٹھائیاں اور نیاز تقسیم کر رہے ہیں۔
وزیراعظم عمران خان نے میلادلنبی ﷺ کےموقع پرپیغام میں کہا کہ محسن انسانیت حضرت محمد ﷺکے یوم پیدائش پرامت مسلمہ کومبارکباد دیتا ہوں دعاہے ایسےمبارک ماہ ہماری زندگی میں باربارآتے رہیں،
وزیراعظم عمران خان کا مزید کہنا تھا کہ حضرت محمد ﷺکی زندگی اپنےاندراعلیٰ اخلاق کی دنیا لیے ہوئےہے، آپ ﷺ نےدشمنوں سے اپنے آپ کوصادق اورامین کہلوایا، آپ ﷺنےتبلیغ اسلام تب شروع کی جب لوگوں نے انہیں صادق وامین تسلیم کیا، آپ ﷺ نےکبھی جھوٹ نہیں بولااورنہ کبھی امانت میں خیانت فرمائی،
بین الاقوامی رحمت اللعالمین کانفرنس کی تیاریاں مکمل،وزیراعظم اور کون کون خطاب کریگا؟
راولپنڈی، لاہور، کراچی، اٹک، چکوال، گجرانوالہ ، خانیوال، نواب شاہ، پاکپتن، قصور، رینالہ خورد، سجاول، شاہ پور اور ٹنڈو آدم سمیت چھوٹے بڑے شہروں میں عیدمیلاالنبیﷺ کے موقع پر چراغاں اور گلیوں بازاروں کو سجایا گیا ہے۔
محسن انسانیت حضرت محمد ﷺکے یوم پیدائش پروزیراعظم کا پیغام
