ایک واقعہ نے میری زندگی بدل دی رابی پیرزادہ

اداکاری اور گلوکاری کو خیرباد کہنے والی رابی پیرزادہ نے اپنے حالیہ انٹرویو میں‌کہا ہے کہ میری زندگی میں‌ایک ایسا واقعہ ہوا کہ جس نے میری زندگی بدل کر رکھ دی. اگر وہ واقعہ نہ ہوتا تو شاید میں اللہ کی طرف اس طرح سے رجوع نہ کرتی جیسے اب ہے اور شاید میں شوبز بھی نہ چھوڑتی. رابی پیرادہ نے کہاکہ میں اپنے اس نئے حلیے اور نئی زندگی سے بہت زیادہ مطمئن ہوں. میں کہنا چاہتی ہوں سب کو کہ آپ اپنا آپ اللہ کے حوالے کردیں خدا آپ کی مشکلیں خود اپنے زمہ لے لے گا. رابی پیرزادہ نے کہا کہ اللہ کی طرف رجوع کرنے میں جو سکون اور اطمینان

ہے وہ کسی اور چیز میں نہیں ہے، میں نے باقاعدہ کیلی گرافی نہیں سیکھی، لیکن میں بچوں کو کیلی گرافی اور پینٹنگ سکھا رہی ہوں. مجھے بہت اچھا لگتا ہے لوگوں کی مدد کرکے. میرے پاس ایسی ایسی خواتین آتی ہیں جن کا کوئی نہیں ہے اور ان شوہروں نے صرف ان کو اس لئے چھوڑ دیا کیونکہ ان کے گھر میں بیٹیاں پیدا ہوئیں. رابی نے کہا کہ اب میں پیچھے مڑ کر دیکھتی ہوں تو ایسا لگتا ہے کہ جیسے کچھ مسنگ تھا لیکن اب میں اپنی ذات اور اپنے حالات سے بے حد مطمئن ہوں.