خون سفید ہوگئے ! جائیداد کے تنازعے پر بھائی نے بھائی کو قتل کردیا

بہاولنگر : جائیداد کی شدید خواہش اور دنیا کی محبت نے خون ہی سفید کردئیے.بھائی بھائی کادشمن تو دوسری طرف باپ بیٹوں کے ظلم کا شکار.بھائیوں کی آپس کی دشمنی خاندان کو تباہ کرکے رکھ دیتی ہے. ایسا ہی ایک واقعہ بہاولنگر میں پیش آیا جہاں جائیداد کے تنازعے پر بھائی نے بھائی کو قتل کردیا۔

تفصیلات کے مطابق بہاولنگر میں جائیداد کے تنازعے پر بڑے بھائی نے چھوٹے بھائی کو قتل کردیا ہے۔ پولیس کا کہنا ہے کہ دونوں بھائیوں میں جائیداد کا تنازعہ چل رہا تھا۔ بڑے بھائی نے سوئے ہوئے چھوٹے بھائی کو ڈنڈے مار کر قتل کیا۔

پولیس نے لاش قبضہ میں لیکر کارروائی کیلئے اسپتال منتقل کردی ہے۔پولیس حکام کے مطابق دونوں بھائیوں میں جائیداد کا تنازعہ چل رہا تھا اور بڑا بھائی چھوٹے بھائی کی جان کا دشمن بن چکا تھا اور کئی مرتبہ پہلے دھمکی دے چکا تھا.