قومی اسمبلی میں الیکشن کمیشن کو 21 ارب فراہم کرنے کی تحریک مسترد
قومی اسمبلی نےپنجاب میں انتخابات کیلئے فنڈز کی فراہمی کے معاملے پر قائمہ کمیٹی کی رپورٹ منظورکرنے کیلئے پیش کی جانے والی تحریک کوکثرت رائے سے مسترد کردیا۔ اسپیکرراجہ پرویزاشرف کی زیرصدارت قومی اسمبلی کا اجلاس ہوا، جس میںوزیر قانون اعظم نذیر تارڑ نے رپورٹ منظورکرنے کی تحریک ایوان میں پیش کرتے ہوئے کہا کہ ازخود نوٹس سے شروع ہونے والے مقدمے میں دو جج صاحبان الگ ہو گئے،چار نے پٹیشن مسترد کر دی۔
انہوں نے کہا اس ایوان نے پورے ملک میں ایک ہی روز الیکشن کروانے کی قرارداد منظور کی،اتنی معاشی مشکلات کے باوجود کسی ایک شخص کو خوش کرنے کے لیے الیکشن کروانے کا فیصلہ دیا گیا۔ سپریم کورٹ نے سٹیٹ بینک سے کونسولیڈڈیٹڈ فنڈ سے رقم نکالنے کا حکم دیا تھا، جس کے بعد آج قائمہ کمیٹی برائے خزانہ نے معاملہ پر غور کیا،وفاقی کابینہ اور قائمہ کمیٹی نے معاملہ اس ایوان کو بھیج دیا کیونکہ یہ اختیار اس ایوان کا ہے۔
مزید یہ بھی پڑھیں؛
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
جس کے بعد ایوان نے تحریک کو کثرت رائے سے مسترد کر دیا،تحریک انصاف نےفنڈز جاری کرنےکی حمایت جبک،حکومتی ارکان نےمخالفت کی تھی۔ قومی اسمبلی کی قائمہ کمیٹی نے قومی اسمبلی کی منظوری کے بغیر فنڈز جاری نہ کرنے کی سفارش کی تھی۔ سپیکرراجہ پرویزاشرف نے قومی اسمبلی اجلاس کل دوپہربارہ بجے تک ملتوی کردیا۔
