سیالکوٹ،باغی ٹی وی (شاہدریاض کی رپورٹ)پولنگ سٹاف کی ڈیوٹیاں جلد از جلد لگا کر ڈیوٹی روسٹر جاری کریں،محمد ذوالقرنین
ڈسٹرکٹ ریٹرننگ آفیسر /ڈپٹی کمشنر سیالکوٹ محمد ذوالقرنین نے کہا ہے کہ ریٹرننگ افسران اپنے اپنے حلقوں میں پریذائیڈنگ اور پولنگ سٹاف کی ڈیوٹیاں جلد از جلد لگا کر ڈیوٹی روسٹر جاری کریں،
پولنگ میٹریل کی تقسیم کیلئے الیکشن کمیشن کی ہدایات پر عمل کیا جائے گا جبکہ حساس پولنگ اسٹیشن پر سیکیورٹی کیلئے سی سی ٹی وی کیمروں کی تنصیب نیشنل ریڈیو ٹیلی کام کارپوریشن پاکستان کی ذمہ داری ہوگی۔
یہ بات انہوں نے ڈسٹرکٹ ریٹرننگ افسران کے اجلاس میں الیکشن کی تیاریوں کا جائزہ لینے کے دوران کیا۔ ڈپٹی کمشنر نے کہا کہ انتخابات میں امن و امان کو یقینی بنانے پاک فوج اور رینجرز کے جوان پولیس کی معاونت کیلئے ڈیوٹی انجام دیں گے۔
ڈپٹی کمشنر نے کہا کہ انتخابات ضابطہ اخلاق پر سختی سے عملدرآمد کو یقینی بنایا جائے گا اور سلسلہ میں کسی سے رو رعایت نہیں برتی جائے گی۔
Leave a reply
