کشمیر الیکشن، یونائیٹڈ موومنٹ کی باغ میں ریلی

کشمیر الیکشن یونائیٹڈ موومنٹ کی باغ میں ریلی

باغی ٹی وی : آزاد کشمیر الیکشن مہم کے سلسلے میں ضلع باغ میں بائی پاس سے ریلی شروع ہوئی جوالیکشن دفتر میں آ کے ریلی اختتام پذیر ہوئی حلقہLA 15 وسطی باغ کے یونائیٹڈ موومنٹ کے نامزد امیدوار راجہ عبد الناصر کشمیری نے ریلی کی قیادت کی

ریلی حلقہLA 15 وسطی باغ کے یونائیٹڈ موومنٹ کے نامزد امیدوار راجہ عبد الناصر کشمیری نے گفتگو کرتے ہوئے کہا میں مرکزی ٹیم کا شکریہ ادا کرتا ہوں کہ مجھ سمیت پورے آزاد کشمیر میں پڑھے لکھے ،باکردار اور باصلاحیت امیدواروں کا انتخاب کیا اور آج حلقہ وسطی باغ کے نوجوانوں نے میر ساتھ دے کر یہ ثابت کر دیا کہ آزاد کشمیر کے نوجوانوں کی جماعت جموں کشمیر یونائیٹڈ موومنٹ ہی ہے 25 جولائی کو یہ نوجوان کرسی پہ مہر لگا کہ موروثی سیاست کا خاتمہ کریں گے۔

حلقہ وسطی باغ کے نسل درنسل لوگوں کے حقوق غصب کرنے والے سیاستدانوں کی نوجوانوں کے دلوں میں کوئی جگہ نہیں بچے گی جس طرح باغ کا لٹریسی پوائنٹ آزاد کشمیر و پاکستان میں نمایاں ہے اسی طرح یونائیٹڈ موومنٹ مسئلہ کشمیر کو دنیا کے مختلف فورمز پہ اٹھانے کے لیے نمایاں اور پڑھی لکھی قیادت فراہم کرے گی. جس میں قاضی داؤد صاحب اور اختر عالم صاحب نے تقریر کی