تحریک انصاف کے صدر، سابق وزیراعلیٰ پنجاب چوہدری پرویز الہٰی کے جوڈیشل ریمانڈ میں 21 نومبر تک توسیع کر دی گئی.
عدالت پیشی کے موقع پر پرویز الہیٰ نے میڈیا سےبات کرتے ہوئے کہا کہ یہ جو نیلسن گوال منڈیلا آیا ہے، یہ پہلے اپنے بھائی سے گیس، بجلی، پٹرول، بے روزگاری اور مہنگائی کا حساب لے، انہیں الیکشن میں پتہ چلے گا کہ عوام کس کے ساتھ ہے،انتخابات میں سب کو برابر موقع نہ ملا تو خدشات پیدا ہوں گے، ہم عدالتوں میں جائیں گے اور انصاف لے کر آئیں گے، لوگوں کی نوکریاں ختم ہو گئی ہیں اساتذہ کو بھی انہوں نے مارنا شروع کر دیا ہے جو یہ کر رہے ہیں اسکا حساب الیکشن میں دینا پڑے گا،سپریم کورٹ کا انتخابات کیس سے متعلق بنچ بننا ملک کیلئے بہتر ہے سپریم کورٹ کی وجہ سے انتخابات کی تاریخ آ جائے گی، الیکشن ان کو سب کے لئے یکساں موقع دینا ہو گا،
پرویز الہیٰ کا کہنا تھا کہ 5ماہ سے جیل کاٹ رہا ہوں، عمران خان کے ساتھ کھڑا ہوا، اڈیالہ جیل میں عمران خان سے ملاقات نہیں ہوئی، فوڈ پوائزنگ ہو گئی تھی، ہاتھ باندھ کر تو الیکشن نہیں ہوں گے، شریفوں کی انتخابات میں دھاندلی کرنا بھول ہے انتخابات میں دھاندلی کرنے کا سوچ بھی نہیں سکتا،عمران خان کی سیاسی شہرت میں اضافہ ہوا ہے شریف برادران کی دکان بند ہو چکی ہے
چوہدری پرویز الٰہی آج عدالت پیشی کے دوران انتہائی پر اطمینان دیکھائی دئیے ،پرویز الہیٰ عدالت میں بیٹھ کر ٹیلی فون کالز بھی کرتے رہے، ایسا لگ رہا تھا جیسے پرویز الہیٰ اڈیالہ جیل کی بجائے گھر سے آئے ہوں
پرویز الہیٰ کے خلاف ایک اور مقدمہ درج کر لیا گیا ،
