ایلون مسک ٹک ٹاک کے امریکی آپریشنز خرید سکتے ہیں

چینی حکام ایک ممکنہ آپشن پر غور کر رہے ہیں جس کے تحت ایلون مسک امریکی کمپنیوں کے ساتھ مل کر ٹک ٹاک کے امریکی آپریشنز خرید سکتے ہیں، اگر یہ کمپنی متنازعہ پابندی کا مقابلہ کرنے میں ناکام ہو جاتی ہے۔ اس بات کی تفصیلات سے واقف افراد کے مطابق، یہ منصوبہ اس صورت میں سامنے آیا ہے جب ٹک ٹاک پر امریکہ میں پابندی لگانے کی باتیں شدت اختیار کر گئی ہیں۔

بلوم برگ کے مطابق ٹک ٹاک کے امریکہ میں 170 ملین سے زیادہ صارفین ہیں، اور اس ایپ کو ایلون مسک کی کمپنی "ایکس” (X) کے ذریعے اشتہارات حاصل کرنے کی کوششوں میں مدد مل سکتی ہے۔ اس کے علاوہ، ایلون مسک کی مصنوعی ذہانت کی کمپنی "xAI” بھی ٹک ٹاک کے ذریعے حاصل ہونے والے بڑے ڈیٹا سے فائدہ اٹھا سکتی ہے، جس سے کمپنی کو اپنی AI ماڈلز کی ترقی میں مدد مل سکتی ہے۔یہ منصوبہ چین اور امریکہ کے درمیان بڑھتی ہوئی ٹیکنالوجی جنگ اور ڈیٹا کی سیکیورٹی کی مسائل کے درمیان سامنے آیا ہے۔ اگر ٹک ٹاک کو امریکی پابندیوں کا سامنا کرنا پڑا، تو ایلون مسک کا یہ اقدام چینی کمپنی کے لئے ایک نیا راستہ ہو سکتا ہے تاکہ وہ اپنے امریکی آپریشنز کو محفوظ رکھ سکے۔چین اور امریکہ کے حکام ابھی تک اس منصوبے پر کھل کر تبادلہ خیال نہیں کر رہے ہیں، لیکن اس خبر نے عالمی سطح پر تکنیکی اور کاروباری حلقوں میں گہری دلچسپی پیدا کر دی ہے۔

لاس اینجلس ،آگ نہ بجھ سکی، تیز ہوائیں، بجلی بند کرنے کا امکان

پاکستان کی سرزمین پر افغانستان سے لائے گئے غیر ملکی اسلحے کے استعمال کے ثبوت