گوجرانوالہ: پیسوں کا لالچ یا کوئی اورمعاملہ ، ملازمین نے تین مالکان کو تیز دار آلے سے قتل کردیا،اطلاعات کےمطابق پنجاب کے شہر گوجرانوالہ میں ملازمین نے پیسوں کی لالچ میں تین مالکان کو تیز دار آلے سے قتل کردیا۔
گوجرانوالا سے پولیس حکام کے مطابق گوجرانوالہ میں ملازمین نے پیسوں نے لالچ میں مالکان کو قتل کردیا، قتل ہونے والوں میں 2 سگے بھائی اور بھتیجا شامل ہیں۔پولیس کےمطابق یہ واقعہ وزیر آباد کے علاقہ پٹھانوالی میں پیش آیا جہاں ملازمین واردات کےبعد موقع سے فرار ہوگئے۔واقعے کی اطلاع پر پولیس کی بھاری نفری موقع پر پہنچ گئی اور نعشوں کو تحویل میں لے کر پوسٹ مارٹم کے لیے اسپتال منتقل کردیا۔
پولیس کے مطابق قتل ہونے والوں میں دو سگے بھائی اور بھتیجا شامل ہیں اور مقتولین ذکا اللہ اور شفاعت اللہ دونوں بھائی کونسلر بھی رہ چکے ہیں۔رپورٹ کے مطابق ملزمان کو شبہ تھا کہ مالکان نے سترہ ایکڑ اراضی بیچ کر پیسے گھرمیں رکھے ہیں اور بھاری رقم ہتھیانے کی نیت سے گھر میں گھس کر حملہ کرکے ذکا اللہ، شفاعت اللہ اور عتیق کو قتل کیا۔پولیس کا کہنا ہے کہ واقعے کی تحقیقات کی جارہی ہیں اورملزمان کی گرفتاری کے لیے علاقے کی ناکہ بندی کردی گئی ہے۔
