انجین آلتان نے پاکستانی کمپنی کے ساتھ معاہدہ منسوخ کر دیا

مسلمانوں کی اسلامی فتوحات پر مبنی ترک ڈرامہ سیریل ارطغرل غازی میں بہادر جنگجو سپاہی کا مرکزی کردار ادا کرنے والے انجین آلتان نے پاکستانی کمپنی کے ساتھ ہونے والا معاہدہ منسوخ کر دیا۔

باغی ٹی وی : میڈیا رپورٹس کے مطابق رقم کی ادائیگی نہ ہونے پر انجین آلتان نے پاکستانی کمپنی کے ساتھ ہونے والا معاہدہ منسوخ کیا کہا جا رہا ہے کہ معاہدے کے تحت دی گئی مدت کے باوجود رقم سمیت کسی بھی شرط کو پورا نہیں کیا گیا اسی وجہ سے یک طرفہ طور پر معاہدے کو منسوخ کردیا گیا ہے۔

اس حوالے سے ترک اداکار نے کہا کہ دستخط کرنے سے پہلے نصف رقم ادا کی جانی تھی ایک ماہ گزرنے کے باوجود بھی رقم ادا نہ کی گئی معاہدے کے بارے میں جھوٹ اور غلط معلومات پر دکھ پہنچا۔

خیال رہے کہ شہرہ آفاق ترک ڈرامہ ’ارطغرل غازی‘ میں مرکزی کردار ادا کرنے والے ترکش اداکار انجین آلتان ٹک ٹاکر میاں کاشف ضمیر کے کہنے پرگزشتہ برس دسمبر 2020 میں پاکستان آئے تھے جس کے بعد میاں کاشف ضمیر کے بارے میں تہلکہ خیز انکشافات سامنے آئے تھے-