پاکستان کے معروف اداکار عمران اشرف کا انگریزی زبان سے متعلق معنی خیز بیان سوشل میڈیا پر گردش کر رہا ہے-
باغی ٹی وی : انسٹا گرام پر سوشل میڈیا پیج پرعمران اشرف کا ایک پرانا پیغام شیئرکیا گیا ہے جس میں اداکار کا کہنا ہے کہ انگریزی صرف ایک زبان ہے، میں قسم کھا کر کہتا ہوں کہ یہ کوئی علم نہیں ہے۔
سوشل میڈیا پیج کی جانب سے شیئر کیے گئے اس پیغام پر عمران اشرف کی جانب سے بھی کمنٹ کیا گیا ہے جس میں انہوں نے مزید کہا ہے کہ ’اُن کے اس بیان کا مقصد یہ بات عام کرنا ہے کہ جو انسان انگریزی نہیں بولتا وہ جاہل نہیں ہوتا ہے، اردو زبان کو بھی عام طور پر خاص سمجھ کر استعمال ہونا چاہیے، انگریزی اسٹیٹس سِمبل بنا دیا گیا ہے۔‘
عمران اشرف کے اس کمنٹ پر ہزاروں لوگوں نے لائیک کیا ہے جبکہ کمنٹس بھی کئے جا رہے ہیں جن میں اُن کے مداحوں کا اُن کے اس الفاظ کی تائید کی جا رہی ہے-
