طیب ایردوان کی ملائیشیا کے سلطان عبداللہ کے ساتھ ملاقات ،خاتون اول کی ملکہ ملائیشیا سے ملاقات

کوالالمپورترک صدرطیب ایردوان کی ملائیشیا کے سلطان عبداللہ کے ساتھ ملاقات ،خاتون اول کی ملکہ ملائیشیا سے ملاقات ،اطلاعات کے مطابق صدر رجب طیب ایردوان کی ملائیشیا کے بادشاہ سلطان عبداللہ رعایت الدین مصطفیٰ بااللہ شاہ کے ساتھ ملاقات

ترکی کے صدر رجب طیب ایردوان کوالالمپور سربراہی اجلاس میں شرکت کے لئے ملائیشیا کے دارالحکومت کوالالمپور پہنچ گئے ہیں۔ملائیشیا میں اپنی مصروفیات کے دوران صدرایردوان نے سب سے پہلے پتراجایا میں وزارت اعظمیٰ دفتر میں وزیراعظم مہاتیر محمد کے ساتھ ملاقات کی

بند کمرے کی اس ملاقات میں صدر ایردوان اور وزیر اعظم مہاتیر کی موجودگی میں دونوں ملکوں کے درمیان مختلف شعبوں میں 15 سمجھوتوں پر دستخط کئے گئے۔سائنس و ٹیکنالوجی کے شعبے میں ترکی اور ملائیشیا کی حکومتوں کے درمیان تعاون کے سمجھوتے پر ترکی کے وزیرِ صنعت و ٹیکنالوجی مصطفیٰ وارانک اور ملائیشیا کے وزیرِ توانائی ، سائنس وٹیکنالوجی ‘یوبی یِن ‘نے 14 خیر سگالی سمجھوتوں پر بھی دستخط کئے گئے

بعد ازاں صدر رجب طیب ایردوان نے ملائیشیا کے بادشاہ سلطان عبداللہ رعایت الدین مصطفیٰ بااللہ شاہ کے ساتھ ملاقات کی۔شاہی محل میں ہونے والی بند کمرے کی یہ ملاقات آدھے گھنٹے تک جاری رہی۔ملاقات میں صدر رجب طیب ایردوان کی اہلیہ امینہ ایردوان اور سلطان عبداللہ کی اہلیہ عزیزہ امینہ میمونہ اسکندریہ نے بھی شرکت کی۔